وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا بالبداية بشكر موقعنا الرائع وبقدم تحية للمعقبين المحترمين انا بتابع اراءكم على طول بس ما توقعت بيوم رح اشوف تعقيبات لالي بشكركو سلف بتمنا تساعدوني..
انا بنت من الشمال عمري 17 سنة من عيلة محترمة ومحافضة بنفس الوقت بدرس ومتفوقة بدراستي والحمدلله واخلاقي الحمد لله عالية والكل بيشهدلي الي ولاخوتي وخواتي ..المهم انا بحكي مع شب عالايميل كتير كتير محترم وابن اصل صلنا فترة منيحة صحاب ما بنكر اني اعجبت فيو وحبيتو شخصيتو كتير حلوة وهو اعترفلي بحبو لالي وطالب الحلال ومستعد اليوم قبل بكرا يجي يخطبني وبسالني عن رايي بقولو انو خلينا صحاب احسن بس انا بحبو وبتمنا اكون معو المشكلة انو ما بتطلع معي اعترفلو بحبي لاني ما تعودت ابني علاقات مع اي شب من قبل حتى باحترام صعب علي الاشي هو عم بتعزب مشاني وانا بطلب منو يشوف حياتو ويحب غيري بس انا بحبو وبدي ايا وعاداتنا وتفاليدنا ما بتسمح اني ابني علاقة حب بينا ..يمكن تحكولي انو ازا جدي وانت بتحبي ما تخطبو؟!! بس انا اسا ما بفكر بالموضوع لاني اصغر وحدة بخواتي وبدي اكمل تعليمي حكيتلو هالشي بس حرام اتركو هيك (لا معلق ولا مطلق خصوصا اني ما بعرف اني بحبوو واسفة عالمصطلح) بس خايفة اخسروا ..بعرف انها مسكرة من كل النواحي بس حبيت ارتاح واسمع راي حدا بالموضوع حتى لو ما فادني جد تعبت ..وشكرا  ..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il