وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
سلام للجميع انا بنت عمري 17 سنة من الشمال طبيعتي بنت غامضة صعب احكي الي مخبيتو بقلبي بس بدي حدا يسمعني لهيك عم بكتبلكو رح تكون قصتي بنضركو شبيهة بكل القصص بس هي والله والله جرح كبير بقلبي ..ما عرفت الحب بحياتي ودايما بتجاهلو بس بالاخر صادني بشبكتو ما تطلعو على عمري وتقولو صغيرةعالحب لانو الحب بعرفش اعمار ..كنت بسهرة لوحدة قريبتي شافني شب بسهرة بعتلي مع بنت خالتي بدو يتعرف علي ..ياما بعتولي شباب بدهن يتعرفو بس وربي بحياتي ما وافقت افوت بعلاقات مع شباب بس هالشب كان قريبي اكيد رح يخاف علي ويحبني ويعزني لانو شرفي من شرفو انا حبيتو اعطيتو قلبي وروحي ووثقت فيو مع انو صعب اوثق بجنس ادم بس الحب بزل !!بس بسببو لما كان بالمستشفى كنت بتوجع عليه كتير رحت عليه زرتو ومسك ايدي حسيت انو شخص من روحي نزلي من السما بس لالي.تعطلت عن مدرستي اسبوعين وخسرت كتير مادة ومواضيع بس علشانو ..هو ما قدر كل هالشي..اول علاقتنا كانت كتير حلوة بس بعد ما مشت الايام صرت شوفو عحقيقتو شوي شوي قلبو الي كان رقيق صار قاسي وصار يتغير شوي شوي معي وبقينا مع بعض شهرين وبعدين افترقنا .كان عيد ميلادو بشهر اوكتوبر بعتلو صورتو وكتبتلو عليها بحبك..وبعدها بعتلي مسج عالتلفون فرحت لانو اول مرة يبعتلي مسج ولما فتحت الرسالة كانت من كلمتين(انسيني للابد)..........انصدمت كتير وقتها صدقت اني بكابوس وما رح فيق منو بس يا ريت لو كان كابوس ..كنت بعين الحقيقة نفسها ..بعتلو كلمة بحبك حاملة قلبي معها لشوف ردة فعلو ..كنت ناوية اخطط لمفاجئة نعملو اياها انا وقريابي هو اعطاني سيم تلفون علشان نضل نحكي مع بعض بعد ما بعتلو كلمة بحبك سكر السيم فهمت انو ما بدو اياني واني طلعت من قلبو ومن حياتو بس ما فهمت السبب ولسا لليوم مش قادرة استوعب الي صار صدمني كتير وجرحني ولسا بعرفش السبب تواسخ معي بكتير حكي مش منيح وخارج ديناا مش فاهمة لي قلبو هان عليه انا عطيتو قلبي وحبي وهو اعطاني جراح والام ان يطعنك احدهم في ضهرك فهذا امر طبيعي لكن ان التفت ووجدته اقرب الناس اليك فهذه هي الكارثة وانا هيك صابني انصدمت فيه كتير كرهتو كتير خاصتا لما اتعرف على بنت من بلدو كانت اكبر مني وطلب مني اني ابطل ابعتلو مسجات كيف ما كان الوضع لانو بعلاقة جديدة مع وحدة تانية وانا بطلت اهمو بس انا مو زعلانة لانو تركني وراح لبنت تانية الله يهنيه انا الي مزعلني انو يقربني وعمل هيك ولانو خلاني افقد ثقتي بكل الناس..انا حبيت احكيلكو الي بقلبي مش طالبة لا حلول ولا اشي لانو الي صار انسب حل انو ربنا بعدني عنو لانو ما بستاهلني وقال ربنا بكتابو الكريم (لا تكرهو شيئا لعله خير) انا بس بدي تسمعوني وبسالكو لي الي قلبو طيب دايما خسران؟ما بتصدقو قديش انا بنت رقيقة وحساسة وازا حدا جرحني بتضلها معلمة بقلبي لمماتي بس انا شو زنبي ازا شبكة الحب وقعتني بواحد ما عندو ذرة الاحساس وخاين بس لو انو واحد غريب ما زعلت ولا حطيت بقلبي ولا جربت انتحر عشانو بس لانو عشان يقربني هان عليه يعمل فيي هيك(يا من اهديتك ضوء الشمس لماذا تهديني الظلماء)لو اني اعرف ان الحب خطير جدا لما احببت .لو اني اعرف ان البحر عميق جدا ما كنت ابحرت.لو كنت اعرف خاتمتي ما كنت بدأت اسفة كتير لاني طولت عليكو بس بتمنى من موقع العرب انو تنشرها.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il