بْعيدِك ياإمّ الوفا بْتتفتّح الأزهار
وبرجع لقلبي الهنا وبتزول آلامي
وقلبي بيرقص طرب ع نغمة الأوتار
كرمال عينِك يا عيني ونور أيّامي
عيدِك يا إمّي إلو بقلبي الوفي تذكار
ياما حرمتِك ليالي بْطولها تْنامي
حدّي سْهرتي لحتّى طِلِع فجر نْهار
تا يزول عنّي الألم وتْصِح أحلامي

ياما تْعبتي يا إمّي على ولاد صْغار
في تِسِع أشهر ، لحتّى يوم الفطامي
واليوم صرنا بفضلِك يا حنونة كْبار
فيكي بنفخر ، أمامِك تنحني الهامي

وصّى إله العرِش بالوالدين كْبار
بْطاعة ومحبّة ووفا وإكرام إلزامي
واللي بينال الرّضا من والدينو صار
في رضا ربّو لحتّى يوم القيامي.