وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

السلام عليكم ورحمه الله وبركاته .... انا صبيه عمري 19.5 سنه من الشمال الحمدالله من عائله محترمه ومحافضه وانا مخطوبه لشاب اكبر مني ب 3 سنين الحمدالله مبسوطه بهالفتره وفش مشاكل ومنحب بعض كثير( اخدنا بعض عن حب) بس المشكله انو دار عمي (اهل خطيبي) بدهن اياني اتحجب هني يعني مش جابريني ولا ضاغطين علي بس كثير بفاتحوني بهالموضوع وانا مرات ما بعرف اتصرف بهيك موقف وبخجل وبس بئولهن انو الله كريم وبهدي الجميع وان شاء الله منتحجب هني كثير بحبوني ومناح معي واكيد بدهن الاحسن الي انا مفكره صراحه اتحجب بس مش بلوقت الحالي مفكره لما اتجوز بعرف بدكو تئلولي انو الواحد مش ضامن حالو يعيش لبكره بس انا الا براسي بعملو واهم اشي اكون مقتنعه وراضي عن حالي كل الرضى وكمان طبعا بهمني رضا اهلي ورضي ربي عني بس.. لانو اكيد بدي القاها بلاخره عند الله عز وجل . من ناحيه تانيه خطيبي ما بجبرني عاشي وقلي الا بريحك سويه المهم انو تكوني مبسوطه ومرتاحه وخلص .. ومن ناحيه اهلي مفش مشكله بس انا محتاره ومش عارفه شو اعمل بهيك حاله والله صرت استحي قد ما بحكولي وكل مره بقول ان شاء الله بصير خير .. بس مش هون المشكله انا خايفه لئدام انو يتحكمو فييو ويجبروني عاشياء انا مش مقتنعه فيها ويصير مشاكل لانو اهم اشي يكونو راضيين عني وما بدي زعلهن مني لانو اليوم اهم اشي ستره البنت ان كان لجوزها او لاهلها او لدار عمها ... بشو بتنصحوني وبترشدوني بكون ممنوتكو كثير وبتمنالكو ايام حلوه وسعيده مكلله بلورد والفل والياسمين وبترجاكو بلاش سخريه لانو كلنا منواجه هيك مشاكل وبدنا الها حل عشان نقدر نتغلب عليها ونكمل حياه مستقيمه ... والف شكر لاحلى وارقى موقع كل العـرب ... سـلامات ...

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il