وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

بحب ابدا بالتعزيه لفلسطين واقول لهم اصمدو واصبرو فان الله مع الصابرين.. اسمي نتلي ,22 سنه, من القدس هلأ رح ابدأ بكلامي بخصوص مشكلتي ! كنت بعلاقه صداقه مع شاب من بلدي ومن بعد فتره سافر المانيا ليدرس طبيب اسنان , ولما سافر بقينا نحكي اكتر من قبل وتعلقنا ببعض اكتر وتغيرت العلاقه من صداقه لعاطفيه, وبعد الحب والتعلق اللي بيننا بفتره بدأنا بمشاكل صغيره بسبب البعد و بدأت تكبر واتفقنا انوننفصل رغم حبي الشديد له يعني علاقتنا استمرت لنصف سنه تقريبا وافترقنا فراق أليم,صممت ان اقطع اي وسيله تواصل بينا يعني ما كان حد منا يعرف شي عن الثاني ..وبعد مرور سنه من الحزن والاشتياق التقينا صدفه على النت وشعرت انو انا حقيقي كنت بحاجتو وهوي أصر انو نحكي على الاقل اصدقاء ..وافقت وتمينا نتكلم كأصدقاء وبعد فتره قصيره تحولت هاي العلاقه لعلاقه عاطفيه..طبعا انا وهوي اتفقنا انو ننسا شي اسمو بعد ونعيش الوقت بوقتو حتى ما نستغني عن حبنا .. للأسف بدأت المشاكل تتكرر نفسها وانفصلنا بعد سنه تقريبا ,بقينا نحكي قلسل جدا وفي فترات بعيده عن بعضها كصداقه فقط,وبعد سنه اتى الى البلاد هنا !! وكلمني وقال لي انو رح يئعد بالبلاد هون لسنه ورح يرجع يتم تعليمو لسنه وبينهي دراستو المهم انو هوي عم يتصلي هلأ اكتر من قبل تقريبا بيكلمني كل يومين ليطمن وانا بكلمو وبعمل نفسي مش زاكره حبنااالماضي وبيطلب مني نلتقي من دون ما يقوللي شو السبب وانا ما عارضت..
هلا انا قلبي من الداخل نار حاميه امنييتي اقدر اعرف هوي بيشو بيفكر وانا هلأ شو بالنسبه الو وهل اتصلاتو واهتمامو الزائده مخبى من وراه شي؟؟؟ انا خائفه ومتردده هل اذهب لألتقي معه وهل ارفض لان لا حق لينا ان نلتقي لاننا اصدقاء هل هو لسا بيفكر فييه ؟ وهل مجرد يريد ان يراني ام اقطع علاقتي به لا اعرف ما افعل .. اني احبه احبه احبه..
بماذا تنصحونني ؟؟؟؟؟

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها