أبرز ما جاء في الرسالة:

انا عم بتعلم بالجامعة حبيت واحد بتعلم معي واحنا كثير متفاهمين وهو عنده رغبة كبيرة انه يجي يخطبني

سبب رفض العريس كان انه اختي البكر اللي عمرها 28 سنة بعدها عزابية وفش نصيب الها وانا مفروض مني استناها لحتى تتزوج

وصلت الى موقع العرب رسالة من امرأة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
الى زوار موقع العرب السلام عليكم انا حابي اطرح مشكلتي هون على امل انه تساعدوني،انا صبية وعمري 22 سنة وفي الي بس اخت وحدي وعمرها 28 سنة.

صورة توضيحية

 القصة وما فيها انه وانا عم بتعلم بالجامعة حبيت واحد  بتعلم معي واحنا كثير متفاهمين وهو عنده رغبة كبيرة انه يجي يخطبني،ةالشاب كثير منيح ومن عائلة منيحة ولما فتحت الموضوع قبال اهلي رفضوا الفكرة 100% وصاروا يطلعوا حجج من تحت الارض مع العلم انه الشاب ما بنقصه شي.

اختي البكر عزابية
بالاخر اتضح لي انه سبب رفض العريس كان انه اختي البكر اللي عمرها 28 سنة بعدها عزابية وفش نصيب الها وانا مفروض مني استناها لحتى تتزوج وبعدين انا بتزوج لأنه هيك العادات والتقاليد عنا بالعائلة. انا مستائة كثير من قرار اهلي ومش عارفي كيف بدي اتعامل مع الاشي وشو بدي هقول للشاب انه يضل يستناني طول عمرو عشان اختي تتزوج؟؟ هذا الايشي مش منطق وما حدا بقبله!!! طيب ولنفرض اختي ما اجاها نصيب شو اعمل انا بهاي الحال؟ اهلي مش متقبلين الفكرة بتاتا وبتمنى منكو انه تساعدوني كيف اقنعهن!

 طلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il