- ابرز ما جاء في الرسالة :

* ابوي عربي مسلم وامي يهودية وتزوجو قبل اكثر من عشرين سنه

* عشنا حياة عادية ومبسوطين واهلي كانوا متفقين وامي اخدت على جو العرب والاسلام بشكل طبيعي

* صار في مشاكل بين امي وابوي لدرجة انو ما قدرو يتحملوا بعض والمشاكل كثرت حتى قرروا انو يطلقوا

* وصلني مكتوب بالبريد فيو انو وبدهن اياني اخدم لانو امي يهودية والدولة بتطلب من كل بنت او شب ان كانت الام من اصول يهودية اجباري الخدمة العسكرية

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

ابرز ما جاء في الرسالة :
مرحبا موقع العرب انا صبية عمري 20 بداية مشكلتي انو ابوي عربي مسلم وامي يهودية وتزوجو قبل اكثر من عشرين سنه .
انا الي 6 خوات من امي وابوي وانا الكبيرة , المهم انوا احنا عشنا حياة عادية ومبسوطين واهلي كانوا متفقين وامي اخدت على جو البلد وعاشت مع العرب بشكل عادي وطبيعي والناس حبوها كتير .
بعد فترة دامت بينها وبين ابوي الي هي اكثر من عشرين سنه صار بينهن مشاكل كتيرة لدرجة انو ما قدرو يتحملوا بعض والمشاكل كثرت حتى انوا امي تركتنا مع ابوي ورجعت على بلدها والي هي طبعا منطقة يهودية .
انا واخواتي عشنا فترة كتير صعبة وبضغط لانو امي تركتنا وتحملنا مسؤولية نفسنا ومسؤلية ابونا وكنا كل الوقت نستنا باليوم الي ترجع في امي عالبيت بس للاسف امنياتنا ما تحققت ابدا لانو امي اصرت انها ما ترجع لاسباب الي ابوي ما غدر يتفق هو واياها عليها  وطلقوا.

صورة توضيحية

 
تعودنا على العيشة لحالنا وتأقلمنا على الوضع الحالي لحد ما كبرت مشكلتي اكثر وبتفاجأ بمكتوب بوصلني بالبريد من الخدمة العسكرية ( الجيش ) وبدهن اياني اخدم لانو امي يهودية والدولة بتطلب من كل بنت او شب ان كانت الام من اصول يهودية فهو مجبور بالخدمة ومفيش مفر منها حتى لو انو ابوي مسلم .
انا ما كنت اعرف بهادا الايشي من قبل وما حدا نبهني...وطبعا معروف اذا انا ما بخدم بالجيش راح انسجن وبالفعل  سألت عن الموضوع وقالولي انو اجباري او بنسجن فترة معينة . وانا الصراحة بين نارين اذا خدمت بالجيش راح سمعتي تصير بالارض وكل الناس راح تحتقرني وراح تحكي علي وعلى ابوي وخواتي وراح نصير مكروهين بالبلد وراح تخرب سمعتي وسمعت اهلي كل العمر ومن ناحية تانية اذا ما خدمت راح انسجن واعيش بالسجن مع البنات الي غلطانين وسمعتهين شيلي..وراح اطلع من السجن سمعتي مش منيحة انا بحيرة شو اعمل ووين اروح ...ساعدوني لانو مش ملاقي حدا يحللي مشكلتي واذا ما حليتها بسرعة راح يجوا يوخدوني من البيت ..!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il