الأكثر قراءةهذا الأسبوع
آخر تعديل: الخميس 28 / مارس 17:02

عيدي أنت وطني أنت/ بقلم: عايدة هنداوي مغربي

عايدة هنداوي مغربي
نُشر: 05/06/19 08:14,  حُتلن: 12:37

حبنا شعلة عشق ما بتنطفي
ولو كل الدنيا تغيّرت
وغرقنا بجراح الماضي
وحرقنا الهوى بجمراته
حبنا يصرخ من الرماد
وما يختفي...
وتبقى يا حبيبي
انت عيدي
وتبقى وطني الوفي....
**************************
ياحبيبي بتتذكر كيف الهوى مرجحنا
وسرقنا التين من بساتين ضيعتنا
وعخدودنا ورّد تشرين
وطلّت شعرات الشمس من مرايتنا
**************************
عطرك بعده مزهّر بقلبي رياحين
وعصافير الشوق عشقت رسايلنا
يا وطن باعوا أرضك من سنين
داري دمعة مخباية بتراب قصتنا...
*************************
ومرّت سنين شفته وما صدقت
قالوا غرق ببحر الأسى
بعد ما هجّروا ظالم ما بينتسى
يا دمع عيني فاض النهر وبعده
حبيبي بقلبي غافي
من الفجر حتى المسا....
**************************
شفتها وما صدقت قالوا شهيدة
وما بيسوى القهر وهي عنك بعيدة
لك يفتحوا قلبي بلاقوا صخرة عنيدة
يئست منها أمواج الحزن
وبتصرخ بحبها هي الوحيدة...
*************************

عكا

القصيدة كتبت بتاريخ 23/03/2019
وهي قيد التلحين. وهي تحكي قصة عاشقين فرّقتهما الحرب وابعدهما التهجير... هي قصة عشق ووطن....

مقالات متعلقة