ربّي الإلهِ ال سَوّانا ____ بَـدّو الـمـحـبِّـه تِمـلانـا
خَلّانا إخوِه بشـريِّه ____ ونبقى مع بَعِضِ سْوِيِّه
تِجمَعنا محبِّه قلبيِّه ____ ما فيها كُره ولا احزانا
____________________________
والسِّلمِ وَحدُه بيِجمعنا___ بالتّـواضُـع ألله مـعــنـا
العيشِه ما إلها معنى___ إن كانَ الشَّــرُّ عُـنوانـا
____________________________
إرادِة ألله أعـلَـنهـا ____ والمواسـم قد جَـمَّعـهـا
كُلِّ القلوبِ جَمّعها____ ما بَـدّو بـينهم عُـدوانـا
____________________________
مسيحي مُسلم يهودي___وِالدُّرزي تلاقوا بالعيدِ
ما احلى الأعيادِ السّعيدِه__بترضي الإله سُبحانا
____________________________
بعد الكورونا اللّعينِه ___قد تابوا ورِجعوا للدّينِ
وِقلوبِ ال كانت حزينِه__ بالرّجعَه نالت غُفرانا
____________________________
خَلّوا الإيمان يِجمَـعنـا ___ما تْخَلّوا حَدى يفَرِّقنا
ولا أيَّ شيء بيِفصِلنا___ مَلّوا الأجـواءَ ألحـانـا

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان alarab@alarab.com