منبر العربHyde Park

ازرعوا الإيمانَ في أولادِكم| أسماء طنوس
انشر عبر الفيسبوك طباعة ارسل لصديق

زجل إزرعوا الإيمانَ في أولادِكم| بقلم: أسماء طنوس - المكر


لَمّا بيـِخـلق الصـبي ___ بيِعـملـولُـه إحــتفـال
ما قالوا كيف نربّي ___ ولا فكّروا بِالسُّــؤأل
_________________________
التّربِيِه مِثل الحليب___ بيِرضعْهُ من أبِ وأُم
لَو عاش بجَوٍّ كئيب___راح يطلع حامل الهَم
بيفش حالُه بالتخريب__ بِسـلوكُـه مانّو مِـهتم
وما راح يفيدُه التأديب__بعِد ما تسوءالأحوال
_________________________
البيت ال ما فِيّوحنان__ مابيبقى تُربِه خِصبِه
بيكون فـاقـد الأمـان___وما فيه إيمـان بـربِّ
إزرعوا فيهِ الإيمان___ تَنّــو يطلـع مِتـربّـي
بيصيروا جنة بستان___وتربيتهم عال العال
_________________________
بالإيمان بتخاف ربَّك__ما بتتعَدّى على الغير
بيبـقى ربّـك بيحِبَّـك__وأعمالك بتكون للخـير
بالنورِ سالِك دربَك___بالثّــقـَه بِتـشِـدّ السّـيـر
وبِيحبوكَ من أدبَك___أخلاقك رَوعَه وجمال

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com 


إقرا ايضا في هذا السياق:

كلمات دلالية
أسماء طنوس منبر العرب