تسالي في تسالي
وكله حلم خيالي
لا تقول رومانسي
ولا تكتيك سياسي
شو جابك للعربي
يا قرية الوادي
ما تهجر مدينتي
تتركني لحبيبتي
هي وحدها تسمعني
وانا وياها بلدي
بنرقص في العالي
مش هيك عقل تملي
وهي نتيجة عثملي
باشا بيك سلطاني
واعزف حبي وسلامي
كيف رسم انجليزي
استوطن السكعوني
حل اللغز اسألني
كيف رحلت كوفيتي
ومين لونها بعدي
احمر اخضر زماني
يا عيني وبركاني
وما أكثر صبياني
طبريا ولا عمياني
انفجرت قال تاني
صعب صدق خزعبلاتي
مر العلقم مماتي
ذكريات من أجداي
بعدني بفكر أغني
اطرب كل من حولي
بس مش لاقي فكرتي
ببحث عن بندقيتي
وبالكم بتستناني
مدفونة مثل جسدي
روحي تعاتب أمتي
عربية والا بتخزي
فكرت سيارة تجري
ودخلت سباق عمري
بماتور كبر كرشي
يعني صغير متخبي
متغطي حامي شعري
الظاهر فيه جرحي
وسام شرف من عدوي
مجنون بحاكي قلبي
في ليلة فكر تحدي
حبيت أدندن لوحدي
استخلص عبر قضيتي
وقلت اطرحها علني
للي حب يفسر شكلي
شو بعنيلي مضموني
عامل نفسه حاكمني
ونسي اني فلسطيني

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com