نِحنا في شهِر شباط ________ يالــلّي ما عـلـيهِ ربــاط
هيكِ قالوا بالأمثال ________ بتــفكـيرَك إنَّــك لَـبّــاط
________________________________
وما بتُصدُق بكلامَك ________ فيـك البـرد وفيــك الحـر
وفيـك قلـيلِه أيامـَـك ________بين الأشهر أصغر شــهر
وبِتخطِّـط لأحلامَـك ________ وما مَرَّه بتِـرسي عَ بَــرّ
وِال رسمتُه بمنامَك ________ مِنّـــو صابَــك الإحبــاط
_________________________________
إن شَبَطْت وإن لَبَطْت________ ريحةِ الصيف بتبقى فيك
ومهما شَدّيت وخَبَطْت________ أيّامَــك ما راح تِكــفـيــك
لِآذار رُحــت وسألـت ________ من أيّـــامُــه تَيِـعـــطــيك
يا بِن عـمّي إذا شِئـت ________ لا تْخَيِّـــب أمَـــل شبــاط
__________________________________
بَدّك تزيــد الــبردات ________ تَالعـجـــوز توقِــد دولاب
وما بيهِمَّك الصقعات________ لَوْ عندا ما ظـلّ احطــاب
ولَوْ بالـبرِد كُــلٌّ بـات________ ما هَمَّك لَوْ مــرض جـاب
حتّى لَوِ المرض فات________ بتــبــقى قـــاسي كَالبــلاط
إقرا ايضا في هذا السياق:
- زجل ضمائر ميِّتَه - بقلم:اسماء طنوس - المكر
- زجل الكورونا وفستان العيد - بقلم: اسماء طنوس
- زجل الكورونا ما عندا ذوق- بقلم :اسماء طنوس
- زجل ايليا النبي- بمناسبة عيده مار الياس| بقلم: اسماء طنوس
- زجل الحياه حلوَه بَس نفهمها - بقلم:اسماء طنوس
- زجل فيروس إجتماعي - ألعُنف بقلم:اسماء طنوس المكر
- زجل الفيروس صغير وفعلُه كبير - بقلم:اسماء طنوس - المكر
- زجل الحياة نعمة بقلم:اسماء طنوس المكر
- موشحات لستم بشر|بقلم: اسماء طنوس
- زجل للقديس بطرس في عيده| بقلم:اسماء طنوس
