وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

 بعد خلاف صار بيني وبين زوجي السابق بسبب كثرة غيرته علي وخنقه لإلي من ناحية ممنوع الطلعات والفوتات حتى على شغلي، كثير كان يعملي مشاكل من ناحية أنه لازم أطلع من الشغل قبل انتهاء الدوام أو أقلل ورديات. وأغير مكان عملي لأنه خارج البلدة اللي انا ساكنة فيها. ومرة وصلت في أنه يمد إيده علي ويحبسني بالغرفة، من وقتها طلبت الطّلاق واتطلقنا وحاليا أنا وابني عايشين في بيت أهلي، وبعد حوالي سنة من طلاقنا، طليقي بحاول كثير يصلح اللي عمله وببعثلي أشخاص لحتى يرجعوني على ذمته... صراحة انا حابة أرجع لإنه العيشة معع ابني في بيت أهلي ومع نسوان إخوتي اشي مزعج ومش مريح، بس خايفه ايضلو بنفس العقلية ويمنعني أعمل أبسط حقوقي ويخنقني... شو ممكن أعمل بهيك حاله؟ هل بتنصحوني أرجعلو؟ 

صورة توضيحيّة