وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرّسالة كالتّالي:

أنا صبية عمري 22 سنة ما حققت ولا هدف من أهدافي، حتّى تعليم بعدني ما بلشت، وكل شغل ببلش فيو لازم بعد بفترة كتير قصيرة أطلع. بالنّسبة لإمي وأهلي أنا حدا فاشل، ودايما بعملو مقارنة بيني وبين أختي الأصغر مني هي صارت مخلّصة سنة أولى تعليم وعندها شغلها الخاص وبعدها 19 سنة. الموضوع صار كثير يذايقني، وأنا عارفة أنه المشكلة مش فيي، المشكلة في الظّروف اللي أنا موجودة فيها.

شو ممكن أعمل بهيك حالة، كيف ممكن أرجع ثقة أهلي فيي؟ وأهم إشي كيف ممكن أحقق طموحاتي وأهدافي وما أحس إني فاشلة؟