عرسان تنين.. يا الله ما اغلاهم
عرسان صغار .. يا الله ما احلاهم
لجنَّة رحمٰن بإذن الله زفيناهم
عرسان تنين .. صارو برحمة مولاهم...

عرسان شباب.. حنيناهم بالحنه
الله يرحمهم .. والله يصبرنا احنا
مندعي الرحمٰن .. لملقاهم بالجنه
وتبقى البسمات.. تتراود على ذكراهم..

عرسان تنين رفاق وعاشو اخوان
وفاهم دام بالرفقة لحتى الجِنان
اشهد بالله بأنهم عاشو چدعان
وحسن الختام.. بإنهم اقامو صلاتهم..

عرسان تنين... يا الله تصبرنا
يا رب الكون ترحم فينا لوعتنا
وتحمي الشباب وفيهم يا رب اسندنا
وتصبر عبادك .. الي خسرو ضناهم...

عرسان تنين.. بالصبر ودعناهم
وبحمد الله ... قدرهم وقضاهم

محمد وعياش.. ربي يحسن مثواهم
كانو بعهدتنا... وصارو بعُهدة مولاهم...

عرسان تنين.. يا الله ما اغلاهم ..

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com