مجتمع ال فِيّو فساد _______ راح تتزعزع أركانُـه
ومجتمع مالُه عِماد _______ ما في خير بســكانُـه
______________________________
الجرايِم عَمَّت الِبلاد _______ مِشيوا بطريقِ الضّلال
عنِ الدّينِ صاروا بْعاد______ والحرامِ عملوه حـلال
ما عرفوا ربَّ العباد ______ خــالقـنــا ربّ الجــلال
بالعُنفِ طَعّموا اولاد ______ وكُــلٌّ لِخـَيّــو خــانُـــه
_______________________________
والقتْلِ بــكُلِّ مكــان _______ وزَحَف جُوّا المـدارس
ما عادوا يحسّوا بأمان______ معلـم تلميــذ وحــارس
وصِرنا بآخِـر زمــان______طالب بيروح مش دارس
حتّى بيستعمـل دُخّان ______ بياخُــذ مـعـــو سكّــينُــه
_______________________________
وما عاد للأهِل سُلطَه ______ الفاقــد شي ما بيِعطيــلُه
وِاللّي في إلو خُلطَــه ______ مع زُعـــران بموديــلُــه
لمّا يغلط شي غلطَــه______ العواقـــب ما بتــعــنيــلُه
ما بتقطع فِيّو البلطـه______ ولِجُــرمُـــه بيــغــنّيــلُـــه
إقرا ايضا في هذا السياق:
- في الشّارِع شُرطي مرور| بقلم: اسماء طنوس
- الاحتراس في الطرق..كيف تَقْطَع الشارِع| بقلم:اسماء طنوس
- للطلاب خِلصَت أيّامُ العُطلِه|بقلم:اسماء طنوس
- زجل بعدَ اللَّيلِ نهار وبعدَ الدمارِ عمار بقلم:اسماء طنوس المكر
- زجل بيروت قومي انتفضي بقلم:اسماء طنوس المكر
- زجل ضمائر ميِّتَه - بقلم:اسماء طنوس - المكر
- زجل الكورونا وفستان العيد - بقلم: اسماء طنوس
- زجل الكورونا ما عندا ذوق- بقلم :اسماء طنوس
- زجل ايليا النبي- بمناسبة عيده مار الياس| بقلم: اسماء طنوس
- زجل الحياه حلوَه بَس نفهمها - بقلم:اسماء طنوس
