وصلت الى موقع العرب، هذه الرسالة من فتاة تطلب نصيحة زوار موقع العرب من خلال طرح مشكلتها.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية، وبدوره يتوجه موقع العرب لزواره الاحباء بارسال تعقيبات جادة وملتزمة دون تجريح ومع الشكر.

مرحبا لموقع العرب بتمنى تنشرو مشكلتي باسرع وقت بليز انكم تنشروها ومرحبا لكل المعقبين ورمضان كريم للكل انا طالبه مساعدتكم انا بنت عمري 19 سنه من سكان القدس متزوجه صارلي سنتين ونص بس مش مرتاحه مع جوزي المشكله انو هو من النوع اللي بعلق كتير بدو اتكون مرتو كامله مكمله وهو بكلامو وتصرفاتو عم بحسسني اني ولا شي مع اني بحبه واكلو دايما جاهز والبيت نضيف وطلبه قبل ما يكملو بكون عندو ولما يروح من الشغل احلى لبس لابسالو واحلى مكياج وما بناديه الا حبيبي وروحي وكلام الحب هاد بس المشكله انو ما بحبني ودايما قد ما اكون حلوه ومزبطه حالي الا يطلع شي مش عاجبه لحد ما صرت ما عندي ثقه بحالي دايما لما انزل على البلد ما بيمرق شب حدي الا وبزتلو كلمه وانا مشكلتي دلوعه والكل بحكيلي حلوه بس لما اسمع هالحكي بستغرب بحكي بيني وبين حالي انا حلوه ما بصدق لانو ما عمري اسمعت هالحكي من جوزي نفسي اسمع كلمة بحبك او روحي او حياتي او هيك شي بس دايما بسالو بتحبني بحكيلي كم من مره بحكيلك ما تساليني هالسؤال ما بمرق يوم الا نتناقر واللي بزيد الهم مرتين انو الله ما اطعمنا ولاد لهلا بضل يحكيلي انا بدي ولاد مش متحمل هالوضع وانا ما بعرف شو اعمل وعلاقتي بامي مش قويه لانو طول عمرها بتميز بيني وبين خواتي فما بحب احكيلها شي لانو ما بتفهمني مع انو بتعرف بكل القصص هاي لانو صار مشاكل كتير وصلت للطلاق اصلا امي سبب تعاستي جوزتني بالغصب ومنعتني عن الانسان اللي بحبه وهي حياتي شافت لوين وصلت ومع هيك قبلت بنصيبي وتعودت على جوزي وحبيته لانو ما في فايده لاوم اتاقلم على هاد الشي والانسان الشاطر اللي بعرف يتصرف ويعيش مع الظروف اللي حواليه مش بضل يتحسر والحمدلله عندي ايمان بس انا جوزي يتقبلني بكون ما بدي شي من هالدنيا مع انو ما في شي مو حلو او شي يقرف منو بس ما بدو اياني مش انا طلبو رح تحكولي ليه تجوزك بقلكم انو كان خاطب قبلي مرتين وكل مره وحده تعمل شي ويتركو ياس من جنس حوا ولما خطبني كان ياسان وزي اللي خلص جيزه والسلام صارلنا سنتين ونص منحكي مع بعض بالمشكله وبحكيلي انا ما بحبك ولا رح احبك ولما نقرر ننفصل منتراجع انا لانو بحبه وما بدي ينهدم بيتي هاي عيله وبيت وحياه وكمان هو بتراجع لانو بحكيلي انا تعودت على وجودك حدي وبقلي انت البنت اللي بدي اياها من ناحية روح اما شكل انت مش طلبي انت حلوه والف شب بتمناكي بس انا لا ومنأجل موضوع الطلاق ومنقول بلكي الله اطعمنا ولد وهيها حياه وماشيه بس لايمتا هيك الوضع رح يبقى وانا مش عارفه شو اعمل والله تعبت مش عم بتحمل كل اللي عم بصير مشاكل مع اهلي وامي ولا جوزي وقلة محبته ولا تعليقاته ومعاملتو ولا انو ما في ولاد لهلا انا صابره والله كريم بس المعزبني انو جوزي كيف نفسيته وكيف نفسه بالاولادبحكيلي بستنى سنه ما حبلتي بصير حكي تاني وانا حاسه حالي عاجزه مش عم بقدر البيله طلبه مع كل اللي عم بعملو بس بحبه وغير هيك اهله كتير قوايا ودايما عاملين مشاكل معي وبييني وبين جوزي وبحكولو يتجوز لانو بعرفو انو ما بحبني وبدو ولاد اصلا واجباتو الزوجيه ما بعملها كما يجب لانو كيف بدو ينام مع انسانه ما بحبها بس اللي مصبرني انو عندو دين وما بلف هون وهناك وبشتغل حد البيت يعني بعرف كل اعمالو ومستحيل يخوني لانو جوزي اذا بدو شي بحكيلي علنا انا هاي مشكلتي بتمنى تساعدوني لانو صراحه ما خليت طريقه وما عملتها احنا كتير منفكر بالطلاق بس انا ما بقدر لاني بحبه ولانو المطلقه صعب موقفها بهالمجتمع ولانو اهلي كتير معقدين ويعني رح تكون حياتي دمار معهم بتمنى تساعدوني ما عاد فيي اتحمل بتمنى تساعدوني بليز ما ضل الا انتو الجألكم والموضوع كتير جدي وبتمنى تحكوني بجديه وشكرا لالكم كتيييير