وصلت الى موقع العرب، هذه الرسالة من فتاة تطلب نشر رسالتها وارشاد الزوار الكرام.
موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية
مرحبا للكل.. انا اسمي "م" من حيفا عمري 23 سنة على وش جواز وانا يعني رح اجوز واحد من الناصرة وانا امي المانية يعني اصلا مش عربي وانا لما فاتحت اهلي بموضوع جوازي البابا وافئ بس الماما رفضت ال بدها تجوزني واحد الماني ومقررة ومخططة كمان لك انا عربية وهو اجنبي كيف رح نتفاهم عاداتنا غير وهو بكون ابن خالتوا اللي رح اتجوزني اياه ماما بس انا بيد اتجوز اللي بجبوا وبحبني مش اللي ماما منئيتلي اياه ما بعرف كيف ماما بتفكر وانا احيانا ما بحسها ام بشوف رفئاتي امهن لما يروحوا من شغلن او تعليمن بيستئبلوهن وهيك اشيا انا الماما لا بتكون في شغلا واحيانا معظم وئتها بالمانيا يعني وولا كانو عندها جوز واولاد ونحنا 3 بنات يعني ما في بينا شب بس البابا والي اخت متزوجة واخت مخطوبة وانا الاصغر فيهن وبابا احيانا بسافر وبنبئى انا واختي المخطوبة لوحدنا بالبيت والمعاكسات بتبدا لك حتى اولاد عموا اللي من لحمنا ودمنا بعاكسوا وفي واحد منن حاول يتحرش فيني وشكر للرب اني فلتت منوا بسرعة وانا واختي حكينا للبابا يقلل سفراتوا للشغل يعملوا بس بحيفا هون باسرائيل بحجة ان بنخاف ما حبيت اوللوا عن حركشات اولاد عموا لمايصير مشاكل بكفي بئى بس ما بئدر جاب عنا تيتا وجدوا متوفي وتيتا بدا مين يرعاها ويخدمها ونحنا مانا فاضيات كل وحدة بشغلها حتى روحة للشغل او لشي محل الواحد صار يخاف يروحا لحالوا ويلي ماما اللي بدها اتجوزني واحد جنسيتوا غير جنسيتي عم تلعب في مستئبلي لعب مع انو البابا مانوا موافئ على هاد الشي وحاول يمنعها ال عم بتؤل هو اللي جوز بناتوا الكبار التنيتن وهلأ هي لازم اتجوزني ال بدها تطمن علي اكتر شي لاني متل ما بؤلوا اخر العنقود لك انا بعرف الزغير كلشي بتحئئلوا من حالوا هو مش من قرارات الماما مع انوا انا واعية بس ما بعرف شو اعمل مع ماما وويلي بابا اللي كل شهر شهرين الوا سفرة وويلي تيتا اللي ما بتخلص طلباتها وويلي شغلي ومعاكسات الشباب من هون لهون مع انوا انا كتير محتشمة بس حياتي جحيم لك هاي ما بتتسمى حياة شو هاد يا ازهئت والرب اني رح طئ يا ريت اتساعدوني شو اعمل اسفة طولت عليكن بس بتمنى تساعدوني وبتمنى تنشروا مشكلتي باسرع وئت ممكن وشكرا كتير..