يا عيد يا الحامل وُرودَك ترُشها عَالابْواب
خَلِّ جميـعَ النّاس تِتْـنَشّق منِ عطـورَك
لا تنسَ الهدايا تجيــب للأهــلِ والأحبــاب
ولِكُلِّ اطفالِ الدّني اللّي استنّوا لِحْضورَك
ولا تنسَ ياللّي تْشَرّدوا بَدهُم طعام وشراب
لا شافوا فرحه بهالدّني ولا تْمَتّعوا بنورَك
يا عيد جَمِّـــع أهِــل وِاحبــاب معِ الغُـيّـاب
تَيْكونوا سوى يِتجمّعوا ويِتهَنّـــوا بِوْجـودَك
نَوٍّر قُلوبهُــم بالأمــل تَيْعــودوا مِنِ غْيــاب
تَيْحِسّـوا في إلهُـــم وَطن يِتحلّـــوا بِشْعــورَك
وناس اللّي راحــوا اتْقَتّلــوا بأقسى عــذاب
وماتـــوا بحَـــرْق وغَـرْق وما شمّـوا زهـورَك
فوت على الِبْــيوت عَزّيــهُـم بالمُـــصــاب
رُشهُـــم بأحــلى طْـــيـــوب فَـــوِّح بِـــبَخّــورَك

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net