منبر العربHyde Park

زجل للأم الدنيا أم/ أسماء طنوس
انشر عبر الفيسبوك طباعة ارسل لصديق

زجل للأم الدنيا أم/ بقلم: اسماء طنوس


الأم هي كُل شيء بهالدّني إسما شَمَل
هيِّ الصّديقه والحبيبه وأُم بِتربّي عيالها
والبطن ياللّي حِمِل صغارها دونَ كَلَل
والصّدر ياللّي حَضَن ورضّع اطفـالها
ما يوم شَـكَــت من آه ولا صـابـا مَلَـل
صبوره في الضّيقات متحمِّلِه أثقالــها
حِملَت محامِل ما بيحمـل مثلا جـمَــل
ما فينا نقدَر نكَفّــي شُــكُر لِافعــالــهـا
بتحزن معي بتفرح معي بتزرع أمَـل
بِترُدّ فيَّ الرّوح ما بلاقي من أمثـالـهـا
سِــهرَت ليــالي طــوال وقلبــا إحتـمَل
مَرّه بيمينها تِهِزِّ السّرير ومَرّه بِشمالهـا
ودمع عينــيها جمِر على خـدودا نَـزل
بتِدعي لِربِّ الكون تَيخَفِّق مِنِ احمــالــها
ما يــوم كِيــانـا اهتَــزّبِصــمودا جَبـَل
ولا أعـطت إلها وقت ولا اهتمّــت بحالــها
ضَحَّت لِأجلي وقلبـي فيـها ما انخـذَل
وياللّي كانت شمعتي ما راح أنسَى افضالها

المكر

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com

كلمات دلالية