الأكثر قراءةهذا الأسبوع
آخر تعديل: الخميس 28 / مارس 08:02

الحب لو فيو يصير/بقلم: زاهد عزت حرش

كل العرب
نُشر: 19/01/16 18:21,  حُتلن: 18:25

لَمَح صَدح
على عتبِة الباب وشَلَح
يا فَجر شّي انو صَبَح
يغْسِل عّتُوم الليل
بِنَسماتْ الفَرح

حلوي على عيونا الفِكر
جَّن وسَرَح
للشَوق، للحُب
اللي بَعدو ما انفضَح
حِلْمِت كأنها ماسكي
قرون الدهر
بجنونها، لما انطرَح
وبصدرها كمشت أمل
عن قلب بالحب انجرَح
كلمات كَسّرها الحنين
شي بالحِلم، شي باليقين
يا رقصة السكين
شو قلبا انذبح
كل ما يزيد الشوق
بِجن الحنين
وبتسألي.. شو صار
لو انو سمح

يا معودي ع الموت
ع موج السرير
بجمر الصبر حتى انكبح
يا بترتمي بالنار
يا بوجع الضمير
بصوت الندم لمن صَدح
يا بتطلعي لفوق
فوق الزمهرير
وبتدعسي كل شي
على خدودك لفح

لو تسمعي مني
يمكن بالأخير
تتعودي ع الصبر...
لعل ونجح
عيشي على غصون الحرير
شَكّلي الدنيا بألوان الفرح
غطي شفافك بالندي
بعطر العبير
بشطحات من قوس القزح

الحب لو فيو يصير
مثل الهوا
ما كان بالدني بعد
يا حلوتي
قلب انجرح

شفاعمرو 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net 

مقالات متعلقة