الأكثر قراءةهذا الأسبوع
آخر تعديل: الجمعة 29 / مارس 09:02

زجل/ بقلم:اسماء طنوس

كل العرب
نُشر: 07/09/15 14:24,  حُتلن: 07:42

فرحة الطفل

فرحِة الطفـــلِ كبيـــرِه
بـــأوّل أيـــلـــول
بالإضراب صابُه حيرِه
شيء مِش معقول

***

ليه كُل سِــنِه بيِبــدوها
بالإضــــرابــات
وطلّابِ اللّي استَنّــوها
صابهُم خَيْبـــات
مع كُتُبِ اللّي اشتروها
وأحلى الشّنطات
بَس مدارسهم لاقــوهـا
بابــا مقـــفـــول

***

الطفل الدّاخل عالأوّل
ما نـــام اللّيـــل
ليـلُـــه لاقـــاهُ أطــوَل
ما عاد لُه حيـل
عيونُه شايْحَه بتتأمّل
صُبحُه الجميـل
تَنّـو يقـــوم ويِتبــَدَّل
وباي باي يقول


زجل الحربُ دمار

الشّعب اللّي بيحِبّ حروب --- شو جابت غير الدّمار
وهَدَّمَـــت كُــــلّ الِبْـــيوت--- وما خَلَّـت منــها آثــار
_____________
الحرِب ما بتِعمـل ســلام--- ولا بتِرفع فيها البُنــيان
بتبـــقى عالأرِض ظـلام--- تَيِعبَــث فيها الشّـيطــان
وبِتصيــر البــلد حُطــام--- بِلا نـــاس ولا جُـــدران
وراح تِهدِم كُلّ الأحـلام--- وما بيِجنوا منها الأثمـار
______________
والطِّفلِ ال شافا مَرعوب---والخوفِ عَشَّــش فِيّـــو
وقُدّامُه صُـوَر الِحْــروب---عنها عَم يِســأل بَــيّـــو
ليش الدِّنيـي بالمَــقلــوب--- كُل شي بيِتفاجَـأ مِنّـــو
ولا منظر بيــسُرّ قلـوب--- وعَم يِسمع أسْوَأ أخبـار
______________
والنّاس بِتعاني منِ الجوع--- ما في طـعام ولا مَي
وما في دوا للمـــوجــوع--- ولا طبـيب بأيَّ حَــيْ
وِالطِّفِل بـخوفُه مَصروع--- لا عادلُـه أُم ولا بَــيْ
قالوا السِّلْمِ مالُـه رجــوع--- تَنّا نحَقِّــق الِانتصــار
_____________
المَصاري راحَت للسلاح--- اشتروا آلاتِ الحربِ
وِالسُّـيــوفِ وِالـــرِّمــاح --- بَــدَل آلاتِ الـطَّــرَبِ
قَـتّـــلوا فــيــها الأرواح--- وتاهوا عن دينِ الرَّبِّ
قلوب القاسيه ما بتِرتاح--- فيها الفِكْرِمنِ الأشرار

المكر

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net

مقالات متعلقة