إبدا بشجاعَــه وهِمِّه ------ إوْعَ تقول أنا خايِــف
ولا تحمــل أيَّ هَــمِّ ------ وِتْقول الدِّنيي عايِــف
____________
بَعْد اللّيل بييجي نهار------ الصُّبِح نَشِّطلـي حالَك
لا تِهتَمّ منِ الأخبـــار------ لا تْحَطّـملَـــك آمــالَك
منِ الصُّوَر إوْعَ تِنهار------لا تْجيب اليأس لحالَك
غير الأ مل لا تِختـار------ لا تْخَلِّ دمعَـك ذارِف
____________
المدرسِه بِتْلِمّ اصحاب------ بِتْنَسّيك كُلّ اللّي صار
لَمّا بتِقرا في الِكْتـــاب------ راح بِتلاقي هَمَّك طار
وِبْتِخلَص مِنِ العـذاب------ ياللّي عَشعِش بِالِافكار
وما بتِعمَلُّه أيَّ حساب------اللّي بتِسمع عَنّو وشايِف
___________
وبِتجَدِّد فيك النّشــاط ------بتِبــقى بِوَقتَـــك مشـغول
وما بيصيبَك الإحباط------ كِلمِة زهقــان ما بِتقــول
بيصيرعِندَك إنضِباط------ أمَلَــك بِيــزَهِـّـرعَطــول
بيُربُطَك بالعِلـمِ رْباط ------ومن نَبْعُه بتِبـقى غارِف

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net