تَيكون البُلبُـل فرحــان  بَدّو يغنّي عالأغصـان
ما بيغنّي وهو محبوس  عالغُصنِ بيبقى طَربان
***
والأزهارِ تَنها تفــوح  بَــدها قُبلِــةِ النَّســمات
بالمحبِّـه راح بتبـوح  لَمّا تبــادِلها الهمســات
ولمّا بأغصانا بِــتلوح  فرحانَــه مِنِ اللّمســات
وَرد خَدوداهَالمَذبوح  بِالعِشقِ بيِصبَح سكران
***
ولمّا تطُلّ عيون ملاح  ما بتِهـدا وقلبــَك مِحتـــار
ما بتِقدَر تكون مِرتاح  وِانتَ موَلَّـع مِــثلِ النّــار
كُل ما طَلّ الحُسن ولاح  وضَوَّى منِ عيونُه الأنوار
بِتقول يِسعِد هالصّبــاح  ال خَلّالي قلبـي فرحــان
***
الصُّبحِ ال طَلّوا بسماتُه  حَيّــا الدِّنيــي وِالوُجــود
حَيّا الزَّهــر بغَــمزاتُــه  أهـــداهُ عِـطـــرَ الوُرود
جايِـب معو رِزقــاتُـــه  للّي مِستَـــنّي ومَوعـــود
بالخــالِقِ ورحــمـاتُــه  ما بيِبقَــى واحِـد يَأســـان 

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net