يااللي بطَبْعُه أناني وما عندُه ذرِّة إحساس
ما بيِتسمَّى إنساني ولا بيِنحَسَب مِنِ النّاس
****
عايِش لِنفسُه مرتاح ما بيِتـطَلَّــع عَغــيــرُه
ما هَمُّه العايِش بجْراح بيهِمُّــه يِكثَـر خـــيرُه
ويطلع عليهِ الصّباح ما في هَـمّ بضمــيرُه
ما هَمُّه لَوْ غيرًه ناح ضميرُه مَيِّت بالرّاس
****
وعلى خَيُّه ما بيِسأل شو عايِز إيهِ الأحوال
وغيرُه هَمُّه عَم يِثقَل وهُوِّقاعد فاضي البال
على دَمُّه ما بيِخجَل لا تلَفون ولا مِرسال
مِثلُه سلوكه ما بيِكمَل وغيرُه شايِفُه بيِنـداس
****
أللّه وَصّى بالرَّحمِة خَلِّ العلاقَــة مليحَـــة
حافظ عصِلَةِ الرّحْمِ الزياره بينكم مُريحَـة
خَلِّ الرُّبُط مِلتِحمِة  وقلوبكُم دوم صريحَة
المرحبا معِ البسمِة بِتْـــرُدّلــهُم الأنـفــاس

المكرّ

 موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net