أبرز ما جاء في الرسالة:

قررت انو اترك كل شي واتقدم لبنت محترمه يا ترى برايكم الخطوبه ممكن تحل مشكلتي وتحسن حالتي النفسيه ويروح احساس الوحده مني بس بنفس الوقت خايف افشل واظلم البنت معي

 وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية. الرسالة كالتالي:

انا شب اصغر واحد بين اخواتي الي كلهم متزوجين عمري 23 سنة، انا الحمد لله ولا شي ناقصني بالعكس انا بشتغل واهلي بيساعدوني وعندي بيت وسياره خصوصا اني اخر العنقود بس يمكن دلالهم الي هو سبب مشكلتي من وانا صغير اهلي ما كانو قريبين الي بس بنفس الوقت ما كانو يحرموني من شي وكنت اقرب لاخواتي اكثر شي وكانو يساعدوني بدروسي وكل شي بس من لما تزوجو صرت احس بالوحده وخصوصا انو اهلي كبار بالعمر بس الحمدلله صحتهم كثير منيحه لهيك تعرفت على شباب طريقتهم عاطله كانو يشربو حشيش وكحول وللاسف انضميت لالهم لاني ما لقيت حدا يحكيلي لا او ينصحني وضليت هيك كثر من 5 سنين وراحت دراستي ومستقبلي بس من فتره مش قصيره.

صورة توضيحية

ابعدت عن كل الشباب هدول وصرت اضل بالبيت لحالي واحساسي بالوحده صار اكبر بس قررت اترك كل شي واخطب بنت حلال وتقدمتلها بس بعد شهر من الضغط حكولي انهم مش موافقين مع اني كنت رح اتزوج زواج تقليدي ومن وقتها حالتي النفسيه انهارت تماما وصحتي ورجعت للطريق الزفت مره ثانيه بس كنت اضل لحالي باللبيت واشرب الي بدي اياه يعني بدون اصحاب وهي انا من كم يوم قررت انو اترك كل شي واتقدم لبنت محترمه يا ترى برايكم الخطوبه ممكن تحل مشكلتي وتحسن حالتي النفسيه ويروح احساس الوحده مني بس بنفس الوقت خايف افشل واظلم البنت معي بتمنى تساعدوني

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net