الأكثر قراءةهذا الأسبوع
آخر تعديل: الخميس 28 / مارس 12:01

زوجة وأم:غيرة الخطوبة تحولت لشك وأنفاسي تكاد تنقطع من السجن المنزلي

كل العرب
نُشر: 29/05/12 17:24,  حُتلن: 15:15

أبرز ما جاء في الرسالة:

والله العظيم اختنقت بالبيت .. بطلت أقدر أتنفس والله العظيم.. غيرة زوجي تحولت لعقد... وصار يحرمني من كل اشي!!!

لما أروح عشي محل ! هو اللي بوصلني وبجيبني .. أنا ممنوع أسوق! حتى لو بدو يوقف شغله وييجي... ويا جماعة أنا مرا متعلمة كمان! ومش مخليني أشتغل

الجارات ممنوع كلهن يفوتو عالبيت.. بس اكم وحدة اللي هو بعرف فيهن !!! ممنوع اروح عند صاحباتي اذا كانو أزواجهم بالبيت

المسألة صارت مسألة شك وخوف! مش مسألة غيرة ...

لو ما عندي ولاد ما كانت صعبة علي القصة كنت راح أطلب منو الطلاق والإنفصال ! بس ما بنفع بوجود الأولاد!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا لكل اللي عم بقرأو رسالتي! أنا أتوجهتلكم لأني زهقت وبطلت أقدر أتحمل أكتر .. أنا تزوجت قبل 6 سنين، وبحب زوجي كتير! بس هو كتير بغار علي! أنا بفترة الخطوبة كنت أعرف أنو بغار كتير وما كان عندي مشكلة لأنو كان الإشي بحدود، وبالعكس كان الإشي يعجبني أنو بغار علي لأني كنت مقتنعة تماما انو الغيرة دلالة على الحب الكتير .. وأنا بصراحة، الله معطيني جمال (بدون شوفة نفس والله العالم)... اسا أنا عندي صبي وبنوتة حلوين كتير... بس والله العظيم اختنقت بالبيت .. بطلت أقدر أتنفس والله العظيم.. غيرة زوجي تحولت لعقد... وصار يحرمني من كل اشي!!! بدي اياكو تسمعوني وتفهمو الوضع اللي أنا فيه...


تصوير: Thinkstock

مثل هديك المرة، كان في حفل بالروضة اللي بروح عليها ابني.. ما خلاني أروح! ودايما هيك.. أنا محبوسة بالبيت! أنجق أروح عند أهلي! ولما أروح عشي محل ! هو اللي بوصلني وبجيبني .. أنا ممنوع أسوق! حتى لو بدو يوقف شغله وييجي... ويا جماعة أنا مرا متعلمة كمان! ومش مخليني أشتغل! أهلو بعرفو ودايما بحكو معو ... ونفس الشي أهلي وأخوتي .. كل الوقت يحكو معو! بتكون حجتو انو هو بشتغل وبجيب مصاري وبكفونا وانو أنا لازم أضل بالبيت مع الأولاد! .. يا جماعة أنا بفهم كلشي .. بس والله الوضع صار مبالغ فيو أنا بحس حالي مش قادرة أتنفس مرات ... الجارات ممنوع كلهن يفوتو عالبيت.. بس اكم وحدة اللي هو بعرف فيهن !!! ممنوع اروح عند صاحباتي اذا كانو أزواجهم بالبيت!

مسألة شك ليست غيرة
خلص بطلت أقدر.. المسألة صارت مسألة شك وخوف! مش مسألة غيرة ... المشكلة الكبيرة انو أنا كتير بحب زوجي وبحترمو!! وأنا متأكدة انو هو بكنلي نفس الشعور ! لدرجة أنو صار هو كمان ما يطلع مع اصحابو ويروح معهن عشان ما يحسسني أنه بظلمني أو أشي... بس العيشة هيك بتنفعش وكل مرة بحاول أفتح الموضوع معو بصير يصرخ ويومنا كله بصير كابوس... أيش أعمل أيش؟! فش قدامي طريق فش حل! لو ما عندي ولاد ما كانت صعبة علي القصة كنت راح أطلب منو الطلاق والإنفصال ! بس ما بنفع بوجود الأولاد! منشان الله تساعدوني ....

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net

مقالات متعلقة