الأكثر قراءةهذا الأسبوع
آخر تعديل: الخميس 28 / مارس 23:01

شاب 23 عاما:حبيبتي مخطوبة لإبن عمها رغما عنها برغبة والداها وأنا مكتوف الأيدي

كل العرب
نُشر: 25/05/12 22:30,  حُتلن: 16:39

أبرز ما جاء في المشكلة:

الصبية بتعرف عن انو أنا معني فيها بس هي مخطوبة لإبن عمها بس هي مش راضية بإبن عمها وما بدها اياه بس أهلها جبروها

الصراحة أنا حاولت أحكي مع أخوها  وهو شاب كتير محترم وبعرف نياتي الصافية وشرحتلو انو انا بدي أختو على سنة ربنا

 أخوها سمعلي وحكالي انو راح يشوف أهلو ومن وقتها البنت لا عادت حكت معي ولا سمعت منها اشي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

 الرسالة كالتالي:
مرحبا موقع العرب وزواره المحترمين وخصوصا المعقبين بزاوية مجتمع.... أنا شاب عمري 23 سنة، عم بقوم بخطوة كبيرة اني بكتب هون لأنو أصلا ولا مرة تخيلت حالي اني أحكي مشكلتي هيك علنا وبصراحة فكرت كتير قبل ما أنشر المشكلة عبر الموقع قبل ما يكون حدا بعرفني أو يكشفني! مشكلتي اني بحب صبية كتير وانا بصراحة اسا بتعلم وعندي بيت وشغلي مضمون بالمستقبل يعني الحمدالله ونشكر الله كلشي مضمون ... وبصراحة الصبية بتعرف عن انو أنا معني فيها بس هي مخطوبة لإبن عمها.. بس هي مش راضية بإبن عمها وما بدها اياه بس أهلها جبروها ... الصبية يوم يوم بتتصل فيني تبكي وتقولي انها ما بدها ابن عمها ... بس عائلتها كتير ضاغطين عليها ...


تصوير: Thinkstock

 وهي كتير صعبانة علي، الصراحة أنا حاولت أحكي مع أخوها، أخوها شاب كتير محترم وبعرف نياتي الصافية، وشرحتلو انو انا بدي أختو على سنة ربنا! هو سمعلي وحكالي انو راح يشوف أهلو ومن وقتها البنت لا عادت حكت معي ولا سمعت منها اشي! ولا حتى أخوها برد على مكالماتي! طب شو هالظلم هاد؟ ظالمين البنت وظالميني والله هاد مستقبلها ما بنلعب فيو والبنت لما كانت تحكي معي مان قلبي ينحرق عليها وعحالي... والله ما بزبظ هيك! كيف بدي أتصرف؟ اترك مستقبلي وحبيبتي يضيعو مني؟ وأترك الموضوع للوقت؟ أخشر كلشي لمجرد اني مش عارف ايش اعمل؟ منشان الله يا جماعة اللي عندو حل منطقة وطريقة منطقية يحكيلي...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net

مقالات متعلقة