أبرز ما جاء في الرسالة:

انا والله العظيم مستعده اشتغل اي شغله بس المهم اساعد ابوي المريض المسكين وازيح عنو الهم

نحانا كمان شوي رح نصفي نشحد بالشوارع ابوي معهوش ولا اجوره وهو كمان بشتغلش وامي كمان ما بتشتغل احنا بالبيت 5 بنات

احنا كتيير محرومات من اشياء يعني ما منلبس زي هالبنات واغلب الرحل ما بنروحها حتى اللازم المدرسيه صرنا نشحدها من المدرسه احنا وضعنا بالبيت كتيير صعب

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم انا بنت من الشمال عمري 13 سنه وانا مستاءه كتيير من الوضع الاقتصادي عنا بالبيت وما في حدا اشكيلو وصدقوني انو انا عم اكتبلكو والدموع معبيه عيني مش قادره افتح قلبي ولا لحدا ولا لصاحباتي ولا لبنات صفي لانو الموضوع بخجل شوي.

صورة توضيحية

بس يلي بخجل اكتر انو نحانا كمان شوي رح نصفي نشحد بالشوارع ابوي معهوش ولا اجوره وهو كمان بشتغلش وامي كمان ما بتشتغل احنا بالبيت 5 بنات وما عنا غير هالاخو الله يخليلنا اياه هو اللي عم يشتغل ويصرف علينا انا بتعلم انا واختي اللي اكبر مني عمرها 16 سنه واحنا كتيير محرومات من اشياء يعني ما منلبس زي هالبنات واغلب الرحل ما بنروحها حتى اللازم المدرسيه صرنا نشحدها من المدرسه.

مستعدة أشتغل!
احنا وضعنا بالبيت كتيير صعب وانا والله العظيم مستعده اشتغل اي شغله بس المهم اساعد ابوي المريض المسكين وازيح عنو الهم والله كل يوم بالليل باجي بدي انام بغرق وسادتي بالدموع ياا رب تساعدنا وتشفق على ابوي وعلى جميع المسلمين ياا رب العالمين انا بدي اياكو تدعولي انو الله يفتحها علينا وعلى ابوي وجزاكم الله خير سلفاً لاني بدي افتح قلبي لان كمان شوي رح نصفي نشحد بالشوارع ؟؟؟!!!!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il