القصه تدور حول عائله صغيره مكونه من رجل وزوجته وامها..زوج المراه لا يريد ان تستمر حماته في العيش معهم داخل البيت..
الرجل:بعدين مع امك هاي؟؟؟
المراه:انت كل مشكله بتصير بالدار بتحط الحق على امي؟؟
الرجل:ليش مين فيها بهاي الدار جايب المشاكل؟؟
المراه:حرام عليك امي مرا كبيره وبدها رعاي.
الرجل:بالله شو رايك اجبلها رضاعة حليب؟؟
المراه:اسمع هاي امي ولحد هون بكفي لا تتمسخر
بعد لحظات جائت الام على كرسيها المتحرك وقالت:
اسمع يا حبيبي اذا انا مذايقتك مستعد ما اورجيك وجهي راح اظل بغرفتي بس لا تختلفو..
الرجل:لا اله الا الله روحي اسكني عند ابنك هشام
المراه:انت بتعرف ان زوجة هشام اخوي ما بتحبها لامي..بعدين امي حافظه كتاب الله وفي كثير بنات اتدينن على ايدها وكل صاحباتي بحسدني عليها انها امي وبدك اياني اتخلى عنها لا والله..
الرجل:اسمعي بتختاري يا انا يا امك
الام:خلص يا ولاد راح اروح على دار المسنين..
المراه:لا يا امي شو بتحكي انت قاعدي في بيت بنتك ..
الرجل:ولك دشريك منها هي الي بدها لا تضغطي عليها بجوز هناك احسنلها.
بعد ان طال الحوار بين الرجل وزوجته وافقت المراه الضعيفه ان ترسل امها الى بيت المسنين ليكونو برعايتها..
نحن الان داخل بيت المسنين عند غرفة المدير...
المدير:قديش بدكم تدفعو بالشهر؟؟
الرجل:ما بنختلف ان شاء الله ..انتوا بس خذوها وديرو بالكم عليها هاي بركتنا
زوجة الرجل تنظر الى زوجها بعين الحزن وخيبة الامل وقالت في نفسها:حنون ما شاء الله
بعدها سكنت الام المسكينه في بيت المسنين..
بعد اسبوعان بدا الرجل يحبط نفسيا وفكريا..الرجل مرض مرضا شديدا..الرجل اصبح يرى في منامه حماته وهي تقول له في كل ليله نفس الجمله:الله يرضا على محمد الله يهدي يا رب
بعد شهر جاء وقت الزياره
المرأه:شو يا محمد ما بدنا انروح انزور امي؟؟
محمد ببكاء وحرقة دم:شو انزورها انا رايح اجيبها هاي البركه الله بحبها لانها علمتني التوبه..انا كل ليله بشوفها بمنامي وهي ترضا عليه
المراه غمرتها السعاده ولم تصدق ما تسمع فقالت:اتوكل على الله
ذهب الرجل وزوجته الى بيت المسنين..دخلو الى غرفة المدير..
الرجل:السلام عليكم
المدير:وعليكم السلام:
الرجل:بدنا نستلم حماتي انا خلص قررت اعيشها عندي لان هاي بركة الدار
المدير:ماشي بس ادفعولي 1500دولار اجار الرعايه
الرجل:امسك هاي شاك ب 2000 دولار بس سلمني اياها..
المدير بتبسم:خذ الشاك وخلي مصاريك معاك انا اللي لازم اعطيك المصاري لانك جبتلي امراه من خيرة النساء.كل يوم كنت اقعد معها.احفظت ربع القران بسببها وبفضل الله ثم فضل توجيهاتها..بتصدق كثير من النزلاء عنا بلشوا يصلوا على ايدها..بس في شغله غريبه
المراه:شو يا عم؟؟
الرجل:حماتك كانت كل ما اتخلص موعظه او تنتهي من قراة القران كانت تقول الله يرضى عليك يا محمد الله يهديك.
بعد ان سمع الرجل هذه الكلمات بكى في حرقه شديده...
بعدها اخذ الرجل حماته معا الى بيته وعاشو في بيت واحد واسرة موحدة..
نهاية القصه.

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:alarab@alarab.co.il