الأكثر قراءةهذا الأسبوع
آخر تعديل: الخميس 28 / مارس 09:01

يوسف جبارين يكتب:رحلة الى القدس عبر العرب

كل العرب
نُشر: 19/09/11 07:08,  حُتلن: 07:57

هذه القصه تدور حول حوار مفتوح
ذهب مجموعة شباب الى مدينة القدس العربية وقضو في المدينة المقدسة هار كامل وفي اثناء عودتهم الى بلادهم التقوا بشاب صديق لهم لم يحالفه الحظ بالضهاب معهم الى القدس
الشاب يسال:شو وين كنتوا ؟؟؟
خالد:كنا في مدينة القدس...راحت عليك
الشاب:طيب انت ايش جايب اشي جديد اصلا القدس راحت من سنة 1967
وائل:ابصراحه انا شفت اشياء رهيبه وعجيبه يا ريتك كنت معنا اشي بطبش المخ خاصة بالسوق
الشاب:ما شاء الله عليك يا وائل..وانت يا نبيل
نبيل:انا شفت قبة الصخرا ودخلت عالمصلى المرواني ورحت على كنيسة القيامة وتعرفت على بعض
امور اخوانا المسيحيين هناك
الشاب:كل الاحترام الك يا نبيل.ومحمود شايفك مبسوط خير؟؟
محمود:اما انا فالحمد لله ما خليت شيء ما اشتريتو من السوق ظليت حوالي 4 ساعات بالسوق واشتريت كل الي في بالي بس يا خسارة راحت علية صلاة العصر
الشاب بتهكم:بسيطة يا رجل الصلاة بتتعوض بتقيها بس الاغراض ما بيتعوضوا..وانت يا سعيد
سعيد:انا لما وصلت عالاقصى دموعي نزلت من الحزن على منظر قبة الصخرا الحزينه اللي لسه عم تستنى بالفجر الجديد
الشاب:خايف تظل تستنى ..وانت يا صالح
صالح:يا جماعة الخير احلا اشي بالرحله هاي الاكل..ولك يخرب بيت الاكل ما احلا انا لما فتت عالمطم ما شفت قدامي غير الاكل وخصوصي اللحمه ولك يخرب بيتها شو زاكيه...
علي:انا الحمد لله مشيت على خطى الحبيب محمد صلى الله عليه وسلم ونحنيت انحناء الضعفاء عند دخولي للمسجد
رائد:انا يا جماعه شايف المسجد الاقصى شكل والبنت اللي رحت اشوفها شكل ثاني الله وكيلكم كانت احلا لحظات حياتي لما شفتها اعملت حالي رايح اصلي بس انا عفريت بعرف ادبر حالي
يونس:انا يا جماعة الخير شفت المكان الي مدفون في بعض الصحابه الي بجانب المسجد الله اكبر شو انبسطت لما شفت مقام الصحابه الكرام..
بعد ان سمع الشاب هذا الكلام قال لرفاقه؟؟؟
انتوا عارفين ايمتا اليهود راح يطلعو من هون؟؟
رائد:وينتا يا حبيبي؟؟
الشاب:لما نخلص من امثال اللي زيك الي بحاولوا يعملوا رحلة الاقصى لرحلة اكل واستجمام وقضاء وقت وتسوق و لقائات العشاق...
نهاية القصه.

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان: alarab@alarab.co.i

مقالات متعلقة