أجمل وأنغش النكت والطرائف لإبتسامة تعلو المكان على صفحات موقع العرب، نأمل ان تضحكوا من القلب

1. واحد حب يوصل بلده بسرعة ركب القطار وقعد يجري في القطار 

2. اتنين زهقوا من التأليس عليهم فسافروا الهند، أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني: هما بيحترمونا كدة لية؟ قال له: أصلهم هنا بيعبدوا البقر.

3. مره حرامي سرق فرخه وراح يكله على شط النيل فشافه عسكري، وقل له مسكتك ياحرامي الفراخ، والريش جنبك اهو ... فقال له الحرامي: لا ياشويش دي نزلت تستحمى، وقالت لي خلي بالك من هدومي.

4. الراديو: واللاعب بيشوط بمشط رجله يااااااااااه بتيجي في المقص، صبي الحلاق: إلحق يا معلم بيلعبوا في العدة

5. الزوجه لزوجها: ياريتني جريدة عشان اكون في ايدك كل يوم الزوج: ياريتك نتيجة أغيرها كل سنة

صورة توضيحية

6. صبي كسلان جداً، شغال في ورشة كل لما المعلم يقول له هات مفك، يقول له كمان شويه ...بكره ... مش وقته، وفي يوم لمبة الورشة اتحرقت، المعلم قاله: ركب اللمبه، قال له: دي حاجة سهلة قوي، وشاله المعلم على كتفه واستنى دقيقة دقيتين، ربع ساعة، مافيش حاجة ركبت، قال له المعلم: انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللي مبتلفش يا معلم.

7. مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني، فالتاني قاله ااه يخرب بيتك انا بردك عملت كده.... فالاول راح فقع عين حصانه، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعني في دماغي... خدت انت الحصان الاسود وانا الحصان البيض

8. واحد اسمة شلبي كان مسافر بلاد برة، فراح محطة القطار وطبعا هناك النظام آخر تمام ... فراح داخل في ماكنة التذاكر، يحط الفلوس وتنزل له التذكرة، فراح حط الفلوس والتذكرة نزلت له، والمكنة راحت قايله مرحبا بالاستاذ شلبي سوف تركب قطار رقم وسيصل الساعة الواحدة، هوة سمع كدة فعجبته الحكاية، فضل يحط في فلوس والمكنة تعيد يحط في فلوس والمكنة تعيد، لحد آخر مرة حط الفلوس، راحت المكنة قالت له: الأستاذ شلبي فضل يستهبل لحد ما القطار فاته.

9. اتنين حراميه دخلوا بيت واحد منهم دخل البلكونه، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم، لحد لما طيارتي عطلت وانا نطيت بالبراشوت ونزلت في بلكونتك ..... قالوه ايوه كده تعجبني، مش التاني اللي قاعدلي في البانيو و بيقول علي نفسه من الضفاضع البشرية!

10. مرة إتنين مساطيل واحد بيقول التاني: هما القدماء المصريين بنو الهرم في اد اية .... قالو 50 سنة ...قالو يا لية ؟؟ قالو اصل كل ما يرصوا حجرين الحكومة تكبس عليه

11. كمبيوتر قال لكمبيوتر انتي طالق ..... قالت يالهوي والسي دي اللي في بطني

12. صرصار في العنايه المركزه بيسال صرصار جمبه بيقولو بيرسول ........؟ قالو لا فردة شبشب

14.واحد غبي ... حط إيده في جردل فيه مية نار .... فحس ان صباع من اصابعه ناقصة .. فحط رأسه في الجردل عشان يدور عليه

15. مساطيل قاعدين بيصيدوا جراد، عدّت من فوقيهم هليكوبتر .... واحد منهم قال جت أمهم ... استخبوا استخبوا

موقع العرب يتيح لكم الفرصة بنشر صور أولادكم.. ما عليكم سوى ارسال صور بجودة عالية وحجم كبير مع تفاصيل الطفل ورقم هاتف الأهل للتأكد من صحة الأمور وارسال المواد على الميل التالي: alarab@alarab.co.il