ابو حاتم موجود الان داخل القهوه مع اصحابه ابو محمد وابو ثائر...
ابوحاتم:خلص يا جماعه انا قربت اتفجر
ابو محمد:ولو يا ابو حاتم كل هاذ عشان اخصرت دقين شطرنج
ابو ثائر:طبعا يا عمي ما بدو يدفع الشرط
ابو حاتم:بالكم فاضي...انا مش قصدي عالعبه..انا قصدي عن ام حاتم
ابو محمد:مالها ام حاتم الظاهر ما بتهتم فيك؟؟؟
ابو حاتم:هو هو راح فكرك لبعيد..انا قصدي نفسي اروح عدار القاها نظيفه...نفسي القا الاكل جاهز...طول وقتها دايري النادي والحكي الفاضي هي وصاحباتها
ابو محمد:انا مستعد اخلي ام محمد تحكي معها
ابو حاتم:علفاضي...ما راح تقتنع
ابو ثائر:خلص خلص انسا...العب..العب
ابو حاتم:والله على رايك...العب
الان نحن في بيت ابو حاتم..ام حاتم كعادتها نائمه..دق الباب..ام حاتم فاقت...سالت
ام حاتم:مين هاذ
الحماه:انا حماتك شو صعب صوتي حتى صوتي اشهر من صوت المطربين
ام حاتم باستهزاء:طبعا طبعا انتي صوتك جوهره. احلا من صوت البلبل..فوتي حماتي اتفضلي
الحماه تدخل الى بيت ابنها تصرخ
..شو هدار هاي..مثل دار الحشاشه..لا والله اوسخ
ام حاتم:شو يا مراة عمي مالها الدار انا ما بسمح لحدا يحكي عداري
الحماه:طبعا يا عمي صارلك السان تجاوبي ..انا بدي افهم لوينتا بدك اتظلي مهمله بدارك؟؟
ام حاتم:انا مش مقصري بابو حاتم.والدليل انو عنا 4 اولاد.كيف امقصرا
الحماه:انا مش قصدي على الاولاد....انا قصدي على الدار ليش هيك وسخه...اسمعي تا اقلك والله والله اذا بكرا باجي عليك وبلقا الدار هيك لاخلي ابو حاتم يجوز كمان وحدي...يلا سلام..
ام حاتم بصوت خفي:الله لا يسلمك
ياتي ابو حاتم...يدخل البيت..يجد ام حاتم تبكي ..يسال:
شو مالو النجم بعيط
ام حاتم:امك...سمت بدني وروحت ..قال بتقول ان الدار وسخه..وقالت كمان اذا اجت عنا بكرا وشافت الدار هيك بدها اتجزوجك
ابو حاتم:وانا موافق ..يا بتزبطي الدار بكرا يا والله بجيب مراة تعرف قيمت جوزها
بعد ايام عادت ام ابو حاتم لبيت ابنها ومعها امراه
ام حاتم:مين هاي المفغوسه
الحماه:هاي الي رايحه اتنظف دارك
ام حاتم:انا ما بدي خدامه
المراه:احترمي حالك بالله..انا زوجتو لزوجك..ابو حاتم
ام حاتم:شو هالحكي...
الحماه:اسمعي يا ام حاتم معاك فرصه لبكرا يا بتنظف حالك يا بخلي ابو حاتم ما يطلق المراه الجديده
بعد ايام عادت الحماه لبيت ابنها...اندهشت...انبهرت...قالت؟؟
بسم الله ما شاء الله..اللهم صلي على النبي...خمس وخميس...شو هالقصر هاذ يا ام حاتم..كان من الاول...
ام حاتم تلقي بنفسها الى حضن حماتها وتبكي وتقول..
سامحيني يا مراة عمي قصدي يا امي اه والله انت امي الي ما اهتمتلي لما كنت بدارها...
الحماه:خلص خلص سامحتك
ام حاتم:والمفغووصه
الحماه:هههههههههههه انت صدقت انو هاي ظرتك؟؟..هاي ام ثائر صاحبو لجوزك
ام حاتم:الله يقطعها والله ما اعرفتها...اه يمكن لانها لابسي نقاب
الحماه:المهم هس اديري بالك على جوزك واولادك...يلا انا رايحه
ام حاتم:والله ما بتروحي قبل لتغني
بدات الحماه تغني ولما انتهت صرخة ام حاتم وقال الله الله الله شو هاذ موهوبي يا مراة عمي
وهنا انتهت القصه بعد ان وعدت ام حاتم بان تنظف بيتها واولادها..اما ابو حاتم فقد شكر صديقه ابو ثائر على الخطه التي قام بها مع ام ثائر ضد زوجته
بقلم
يوسف جبارين 

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:  alarab@alarab.co.il