كان يا مكان
في غابر العهد والزمان
انسان.......
ع باب الله عايش
حلمه....كان ع قده
لقمة هنية.....
مغموسة بزيت وزعتر
وزيتونه.....
وكاسة شاي معطر
من ريحة الجبال....
كان صامت......ساكت
عابد.....قائم قاعد
ما بيعرف من هالدنيا
غير الصيام....
والصلوات الخمس
همه......
انها تكون الحالة مستورة
عمره ما فكر انها تتغير هالصورة
مطيع كان......
ان هبت الريح..... مال.....
وان ما هبت ما بميل......
ماشي حسب الدستور
والنظام.....
عمره ما فكر......
بابو دايما مسكر......
اجو العسكر راحو العسكر
مالوش في هالكلام.....
ما بيعرفش الامام
دايما متاخر......
حكمته بلقمته.......
ع قد معدتك كل
ع قد فراشك مد رجليك
همه.....العيال والبيت
ما دام في خبز وزيت
وحبة زيتون
وزعتر.......
بشوف حالو عنتر.......
لا بيطلب اكثر ولا بيتبطر
الحمد لله ع النعمه
الحمد لله ع الامان
لسانو ما بيعرف اكثر.......
الارض يزرع ويخضر
لا شتاء ولا صيف
لا برد ولا حر
بيثنوه عن هذا الكيف
في يوم من الايام
وهو قاعد وسارح
فكر انو يفكر
الله اكبر......
قامت القيامة
والحاكم زمجر وامر
انو فمه يسكر
من يومها......
لا عاد شاف
شمس ولا نجوم
لا ليل ولا قمر
وما عاد ينسمع عنه خبر.......
كان ساكت
كان مسكين....
كان حكيم......
ولما فكر يجرب حكمته
جابت اخرته......
كبرت محنته......
هوهوت الكلاب في الشوارع
ع شان تمسح اثار زلقه......
لسانه نطق.....
ما احترم وحدته......
دقوا في الساحات طبلته
تجمعت الناس......
وشافت ثمن غلطته
سكوته ما نفعو
ولا وحدته.......
هو اللي كبر وخضر
هو اللي ضوا الدنيا
ونور........
هو اللي عمره ما تصور
ولا غنى ولا زمر
كان في مكانو مسمر
يبني ويعمر........
وغيرو...... اجى وتصور
ع شان يبهر العالم بحكمه
وحكمته.......
ويدعي انو هو
اللي بنا وطور
وحضر......
الناس فهمت.......
بس يا خسارة
بعد ما مات صانع الحضارة
الانسان.......
الللي سيرتو ما كانتش
ولا على لسان......
مات.......
غريق......محروم هوا بلده
معلق.......
ع شجرة من شجراته
ولحسن حظه........
نهايته كانت بدايته
وبدايته ....... كانت
نهاية الحكام اولاد الحرام
اللي ما خلوا حدا ينام
نهايته.....بدايته
صحت النيام
فهموا انهم الحكام
ما هم الا بشر
من لحم ودم.........
قسا ع عقولهم الزمان
وفكرا انهم الهة العصر العظام
عاثوا في الارض فساد
وكانوا.......
سبب الغم والهم
والدموع........والجوع
واللقمه اللي مغمسه بالدم
الناس نطقت.........
بل صرخت........
ما عاد خوف عن حقها يثنيها
صرخه ورا صرخه ورا صرخه
تجمعت الصرخات.........
صرخه واحدة دوت
قامت القيامة........
غلي الدم في العروق
ثورة في كل واحد كانت
بركان ساكت كان
هز الكيان.......
اخرج حممه.......
نطق......
وكان.........
كثير الكلام
الاخبار الملعونه
خفت صوتها
والكذب ما عاد في الو مكان
صرخة المظلوم كانت
اقوى من عبيد النظام
ومن اسواطها.......
الشعب هو السيد
والحضارة للانسان
الشمس كسرت قيودها
واشرقت ع احبابها
ع امة من زمان
تسكرت شبابيكها وابوابها
ونامت......
جاعت وصامت
موش لانه رمضان
وموش لاجل العبادة
كان جوع وخنوع
كان صمت وركوع
ما كانش ارادة
العيال كبرت
وعيت وفهمت
صار بدها حرية
بدها هوية
بدها كرامة
لا اقل ولا زيادة

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:
alarab@alarab.co.il