نحن الان موجودين داخل بيت الشيخ محمود..الشيخ محمود يقوم بافاقة زوجته من النوم...

الشيخ محمود:يالله يا ام علا قومي..ما بدك اتصلي الفجر؟؟؟؟
ام علا:ان شاء الله كل عام وانت بخير يا ابو علا ان شاء الله رمضان كريم
الشيخ محمود وزوجته يصلون سنة صلاة الفجر جماعه...الشيخ محمود يذهب الى المسجد ليصلي فرض الفجر....
نحن الان في ساعات بعد الظهيره....الشيخ محمود ذهب الى صلاة االظهر...ينتهي من الصلاه..يذهب الى السوق...يلتقي الشيخ محمود ببائع اللحمه:
الشيخ محمود:شوف يا ابومحروس اذا ناديت علي مشان اوفيلك الدين بقلك من هسه اعذرني لاخر الشهر لان انت بتعرف شهر رمضان بد تكاليف..وزيارات وهيك
ابو محروس:الله يسامحك يا شيخ محمود مين جابلك سيرة اللحمه والدين هاي الدكانه دكانتك انت احمل وامشي...
الشيخ محمود:لعاد شو بتامرني:
ابو محموس: بدي منك بخطبة يوم الجمعه تحكيلنا عن اهمية صلاة التراويح لان ابن محروس ما بروح عليها...قتال سنه..
الشيخ محمود:ههههههههه خلص عين خير
الشيخ محمود يتابع جولته في السوق... يدخل الى دكان التموين.
الشيخ محمود:السلام عليكم...رمضانكم كريم بالصلاه على محمد
ابو محمد:يا هلا ومرحبا وميت هلا بالشيخ محمود بركة الحاره..رمضانك كريم بالصلاه على محمد
الشيخ محمود:ممكن تعطيني قنية زيت وربطة خبز وصحن حمص وزرق قمر دين مشان الصحور
ابو محمد:لك على راسي وعيني..الله يخليلنا اياك..وينت بدك اياهن
الشيخ محمود:يا ريت بعد ساعه ..بالنسبه لحهن انا ................
ابو محمد:ستوب لا تكمل قال حقهن قال يلا يلا روح مشوارك وان شا الله بكونو الاغراض عندك..
الشيخ محمود يتابع جولته التسوقيه.يدخل الى بائع الخضرا ابو ابراهيم...
الشيخ محمود:رمضانك كريم عمي ابو ابراهيم يات منور التفاح والموز
ابو ابراهيم:ههههههههه يعني والله لو جاييني اعز صاحب الي ما بفرح قد مني فرحان بجيتك لهون..شوف كيف الدكان نور..
الشيخ محمود:يا ريت يا ابو ابراهيم لو توصيلنا على كرتونة بندوره لان اختك ام علا عاملي عزيمه لخواتها
ابو ابراهيم:على راسي وعيني الله يخليلنا اياك يسغ شيخ الحخاره بل شيخ المدينه
الشيخ محمود:الله يخليكم انت يا احلا حاره..يا ترى يا ابو ابراهيم في حاره ناسهاغ ملاح مثل حارتنا؟؟؟؟
ابو ابراهيم:فيه البلد مليلانه
الشيخ محمود:ما بقول غير ان شاء الله
الشيخ محمود يعود الى بيته يقع نظره على البواب ابو خليل وكعادته يقرا بالقران المحمول(الصغير)..
الشيخ محمود:..الله يخليلنا هالوجه الحلو الي منور احلا من هلال رمضان
ابو خليل:الله يخليلنا اياك يا شيخ حارتنا بقول مالو الشارع نور
الشيخ محمود:منور بكتاب الله الي فيدك
ابو خليل:الله يسعدك..عن اذنك يا شيخ محمود
الشيخ محمود:وين يا بركه؟؟؟
ابو خليل:اختي ام علا ودتني اجبلها علا من المدرسه ونسيت بتعرف االصيام ميخذ عقلي..

نحن الان في اواخر شهر رمضان المبارك..الشيخ محمود يذهب الى الحلاق...
الشيخ محمود:رمضانكم كريم بالصلاه على محمد
ابو عوني:هلا هلا هلا شيخ محمود عندنا يا مرحبا
الشيخ محمود:مطول؟؟ابو عني
ابو عوني:لا بس دقيقه
الشيخ محمود يجلس لينتظر دوره ليحلق..قال احد الزبائن
...ادريتو شو عامل مرعي؟؟؟
ابو عوني:لا يا اخ انا ما بدي نميمه بالمحلقه ارجوك بدك تنم اطلع برا نم وارجع
الزبون:ولو يا ابو عوني هلا صرت انا بنم بعدني مش حاكي كلمه
ابو عوني:انا هيك.. بس ييجي مرعي بتحكي قدامو
الشيخ محمود يبتسم من اهل الحاره الاطياب ويحسد نفسه ويتمنى ان كل الناس يصيرو زاي اهل حارته
انتهى رمضات...................انتهى العيد.......الشيخ محمود يخرج من بيته الى السوق ليتسوق قبل الذهاب للمسجد..بهذه الاحيان ينادي عليه ابو محروس
ابو محروس:شيخ محمود
الشيخ محمود:اؤمر يا ابو محروس بدك اي خدمه انا جاهز
ابو محروس:بدي منك تستحي على دمك وتذوق
الشيخ محمود باستغراب:نعم؟؟
ابو محروس:الله لا ينعم عليك بدي مصريه شو بدك توكلني
الشيخ محمود:ابو محروس شو الي صايرلك انا الشيخ محمود انسيت شو قلتلي بشهر رمضان؟؟؟
ابو محروس:اسمع لنا ما بهمني قبل انا بدي حق اللحمه والدين فاهم؟؟؟
الشيخ محمود:فاهم فاهم
ابو محروس:وينت بدك تدفع المصاري:
الشيخ محمود:الاسبوع الجاي اذا شاء الله
ابو محروس:ماشي الحك الكذاب لورا الباب
الشيخ محمود يتابع سيره يسمع صوت ابو ابراهيم بائع الخضرا يصرخ بوجه امراه
ابو ابراهيم:يا عمي حلي عني انا ما بدين
الامراه:بس كنت اديني بشهر رلامضان شو الي صار
ابو ابراهيم:هو هوم رمضان رمضان خلص روحي جيبي مصاري وتعاي اشتري دين ما بدين
الامراه:بس انت عارف ظروفنا
ابو ابراهيم:شو شايفتيني جمعيه خيريه عند الي خلفك؟؟روحي روحي...
ابو ابراهيم يقع نظره على الشيخ محمود ولا يبالي ويتاتبع كلامه
اسمعي يا بنت الناس روحي اديني مصاري من وحدي بتعرفيها وتعالي اشتري................
المراه:روح الله يتولاك
الشيخ محمود يتابع سيره وهو مطموم الراس مما راى من اهل حارته يدخل عند ابو عوني الحلاق..
الشيخ محمود:السلام عليكم
ابو عوني:اهلين شيخنا اقعد استنا دورك
الشيخ محمود:مطول؟؟
ابو عوني:هو هووووووووووووو علينا اه مطول مش عاجبك روح على صالون ثاني اففف...يتابع كلامه...ادريتو شو عامل الكلب حماد
احد الزبائن:شو عامل هاذ الحيوان
ابو عوني:طلق مرتو لانها مابتجيب ولاد
احد الزبائن:الله لا يردو ولا يردها حتى مرت حماد ما كانت حلوه
الشيخ محمود يذهب الى بيته وهو يبكي حرقا مما غير اهل حارته..الشيخ محمود يجتمع بابو خليل...ابو خليل يقول
..شوف يا شيخ محمود نبه على مرتك وقلها ما تطلب مني اشي فاهم؟؟؟
الشيخ محمود:ليش يا طيب
ابو خليل:انا مش طيب انا ابن......خلص لا تخرجني عن ديني فاهم؟؟
الشيخ محمود:وين المصحف تبعك؟
ابو خليل:ما بستعملو.............
الشيخ محمود يدخل العماره وقد كاد ينجلط غيظا وحزنا على اهل حارته..
الشيخ محمود يلتقي بزوجته...
ام علا:مالك يا ابو علا
الشيخ محمود:جبيلي دكتور حاسس حالي بدي اموت
بعد مرض دام اكثر من 6 اشهر توفى الشيخ محمود غيظا وحزنا على اهل حارته..اما زوجته فقد هاجرت الحاره المنافقه وذهبت الى حاره اخرا..
ولكن يبقا السؤال لكم يا اخواني.
هل ستنجح ام علا بالعثور على حاره متدينه كما تكن في رمضان؟؟؟؟
نهاية القصه

 موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان: alarab@alarab.co.il