الأكثر قراءةهذا الأسبوع
آخر تعديل: الجمعة 29 / مارس 05:02

يوسف جبارين يرسم كلماته ويكنب:رمضان كريم

كل العرب
نُشر: 29/07/11 20:34,  حُتلن: 19:06


شخصيات القصة:

أبو أحمد...
خليل...
أبو إبراهيم...بائع
إيمان..بنت أبو أحمد
احمد..ابن ابو احمد
نحن الان في السوق..........ابو احمد وخليل يتسوقون.......
ابو ابراهيم :اهلين وسهلين عمي ابو احمد انشاء الله كل عام وانت بخير رمضان كريم
ابو احمد:الله يبارك فيك رمضان كريم..الله بعينك اعطيني كيلو بطاطا بس بسرعه
ابو ابراهيم:على ايش مستعجل؟؟
ابو احمد:يا زلمه فش وقت ظايل 5 دقائق
ابو ابراهيم:لايش لصلاة العصر
ابو احمد:اي صلاه هاي المسلسل الرمضاني الي ظايلو 4 دقائق بدو اشوف مسلسل فيفي عبده...
ابو ابراهيم:لا حول الله......

ابو احمد وخليل يعودون الى البيت
ام احمد:ليش اتاخرت راح عليك مشهد من المسلسل
ابو احمد:ليش حاطه على مسلسل يسرا انا بدي مسلسل فيفي عبده
احمد:لا لا لا شو فيفي عبده هاي انا بدي احظر مسلسل مرايا لياسر العظمه هسه بطلع على قناة...........الفضائية
ايمان:اسكت اسكت انا بدي احضر مسلسل رومانسيات فتاه
احمد:لا حبيبيتي ما حزرتي بدي احضر مرايا لان هو الوحيد الي بنحظر بشهر رمضان مش المساخر
ايمان:شو قصدك يعني انا حرف ساقط
ابو احمد:شو هاذ انتا وياها انخرسو عاد ...اسمعي يا ام احمد انا بدي احظر مسلسل فيفي عبده هسه..
ام احمد:لا حبيبي ما حزرت..انتا دايما عنيد وراسك يابس
ابو احمد:شوفي ام احمد احترمي حالك احسنلك هات جهاز التحكم من ايدك احسنلك ها
ام احمد:اوعى ايدك هيك لا تلمس الجهاز بدي احظر مسلسل يسرا...روح عالقهوه احظر فيفي عبده
ابو احمد:شو بتقولي بدك اياني احظر بالقهوه وانا عندي دار...هاتي
ام احمد:انت طول عمرك مش مهنيني صارلي مجوزتك 10 سنين عمري ما شفت معاك يوم حلو...الله يوخذني قبل لاؤوخذك
ابو احمد:انسيت حالك لما اترجتيني رجاوي مشان اخطبك من اهلك
ام احمد:اسكت اسكت انسيت حالك قديش مشيت حافي مشان اتشم اظفار مني؟؟؟
ابو احمد:اخرسي احسنلك انسيت ابوك الي كان يترجاني اني اتزوجك مشان يوفرو لقمتك؟؟؟؟
ام احمد:روح ... انا ما بدي ارد على واحد زيك لاني عندي اخلاق..
ابو احمد:اخلاق هههههههههه منين جبتي الاخلاق من ابوك المرتشي النصاب والا من امك الي اتزوجت 4 مرات؟؟؟
ام احمد:اسكت اسكت لا تجيب سيرة اهلي على لسانك ولا...
ابو احمد:طابق حرامية
ام احمد:انا مستحيل اعيش معاك بعد اليوم
ابو احمد:روحي طقعي الله معك...وقال شو عاملي حالها حساسي بتحظر ليسرا روحي
ام احمد:انت الي بتطلع الدار من حق الزوجة
ابو احمد:زوجة..ليش انت صاحبة بيت انت طبخه ما بتعرفي تطبخي....قعدتي 5 اشهر تتعلمتي تفكسي بيض
ام احمد:والله والله اذا اطلعت من هاذ البيت ما برجعلو.....
ابو احمد:لا مشان الله ترجعي ولو ولك انا بستنا باليوم الي تطلعي منو
ام احمد:طيب انا طالعة...الحقني بورقة الطلاق
ابو احمد:فش حاجه تلحقك رايحة تلقيها بتستنا فيك عند امك يا روح امك...
وهكذا ذهبت ام احمد لبيت اهلها لمدة 5 ايام..بعدها يأس ابو احمد من الوحده....لقد إشتاق لأم أحمد...ام احمد لم تفطر في بيت اهلها ...مشتاقة لابو احمد...
بعد 6 ايام عادت ام احمد الى بيتها بعد ان تصالحا وتصافا...
ابو احمد صار يذهب الى المسجد عند كل صلاة بعد ان تعلم درس من المسلسلات وسلبياتها على شهر رمضان...
واحمد ايضا صار يذهب الى المسجد عند كل صلاة ووقت الفراغ كان يقضيه
بالعبادات...اما عن مسلسله مرايا فقد صار يتابعه في وقت الفراغ أي بعد صلاة العشاء
نهاية القصة

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:
alarab@alarab.co.il 

مقالات متعلقة