أبرز ما جاء في الرسالة:

أنا متزوجة من حوالي سنتين ومبسوطة بحياتي مع زوجي بس بصراحة على طول منتخانق

أنا وحيدة لأهلي ومدللة آخر دلال لدرجة اني ما بعرف أطبخ.. وبحب اضل انعزم على المطاعم يعني بحب الاكل الخالص

وصرت كل ما يروح على الدار واقله ما طبخت يعصب علي ويسحب حالو ويطلع من البيت. وكل ما اجيب سيرة الاكل الخالص يعصب علي

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا انا سيدة متزوجة من حوالي سنتين ومبسوطة بحياتي مع زوجي بس بصراحة على طول منتخانق انا وايا على شغلات تافهة مع انو منحب بعض كتير ومتفاهمين. بس ازا بحكيلكو على شو اكتر شي منتناقر مش رح تصدقوا ويمكن تستخفوا بالمشكلة.

صورة توضيحية

انا يا جماعة الخير بنت وحيدة لأهلي ومدللة آخر دلال لدرجة اني ما بعرف أطبخ.. وبحب اضل انعزم على المطاعم يعني بحب الاكل الخالص او نجيب اكل على البيت بس مش انو اقعد اطبخ اولا لانو ما بحب هاي الشغلة وتانيا لاني ما بعرف...

هل من حل؟
اول ما تجوزنا ما كنت حاسة بالمشكلة لانو جوزي كان يضل يسايرني ويعزمني على المطاعم وكلشي كان صبابا بس اسا صرلنا متجوزين سنتين وصرت كل ما يروح على الدار واقله ما طبخت يعصب علي ويسحب حالو ويطلع من البيت. وكل ما اجيب سيرة الاكل الخالص يعصب علي. مش عارفة شو اعمل اعطوني اي حل بس ما تقولولي اطبخي ويا ريت استفيد من نصيحتكم الي وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il