ابرز ما جاء في الرسالة:

انا اللي حبيتو فيها انها مسؤولة عن حالها

انا وضعي المادي وحتى وضع اهلها المادي بساعدها في التعليم بدون ما تشتغل

عم فكر انه خلال هذا الشهر او اللي بعده وبس ان ما تركت الشغل راح افسخ الخطبة

مرة عملتلها مفاجأة ورحت عندها على الشغل! بس ماش فت احترام لا من زباين ولا من مدير شغل

اللي بصير انه انا ما بحب الدواوبن واللف والدوران قررت اني اخطبها لأني ببساطة البنت عاجبتني ونشكر الله

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا شاب من الشمال، وكمان سنة ونص بخلص تعليمي الأكاديمي، من واحد من الجامعات الكبيرة في البلاد، قبل سنة تعرفت على صبية كتير منيحة، ومؤدبة وكتير خلوقة، بس المشكلة الوحيدة انها بتشتغل في مطعم في منطقة عربية وهي كمان بتتعلم وصارت سنة تانية، انا ما بحقر بالإشي ، وكتير بحترم اي عمل في الدنيا وانا شخص منفتح على العالم وجاي من بيت اللي بحرتم الخصوصيات وقرارات الفرد.

 صورة توضيحية

اللي بصير انه انا ما بحب الدواوين واللف والدوران قررت اني اخطبها لأني ببساطة البنت عاجبتني ونشكر الله، تقدمتلها انا واهلي بعد ما كان شرطي الوحيد انه تترك الشغل في المطعم وهذا الحكي قبل سنة، وانا اخدت على مسؤوليتي انه الاقيلها شغل واصلاً انا وضعي المادة وحتى وضع اهلها المادي بساعدها في التعليم بدون ما تشتغل، بس انا اللي حبيتو فيها انها مسؤولة عن حالها.

الخطبة أو المطعم؟
المهم وافقت انه تترك الشغل بعد شهر من الخطبة ، بس صار النا سنة مخطوبين وبعدها بتشتغل هناك ! وكل ما بفتح الموضوع، بتوعدني اني هذا الشهر آخر شهر على شان قسط التعليم، وصار مارق ابصر كم شهر على نفس الحكي!! ومرة اقنعتني انه الشغل هناك منيح ومستوى الزباين عالي !! مرة عملتلها مفاجأة ورحت عندها على الشغل ! بس ماشفت احترام لا من زباين ولا من مدير شغل، واللي قاهرني انه بتتأخر بالليل واللي قاهرني أكثر انه اصحابي بروحو على هداك المطعم وانا بحبش ينقلي تاني يوم "والله شفنا خطيبتك شغالة بالمطعم"!!
نفسي اعرف ليش متمسكة بالمطعم هالقد.. عم فكر انه خلال هذا الشهر او اللي بعده وبس ان ما تركت الشغل راح افسخ الخطية ! شو رأيكو ؟ شو بتنصحوني؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il