- ابرز ما جاء في الرسالة :

* انا على علاقة بشاب عمره 25  عاما محترم جدا ومتعلم ويجتهد من اجل تحسين وضعه

* الشاب من عائلة بسيطة وفقيرة جدا..عكسي انا بنت مدللة لعائلة غنية ذات وضع اجتماعي ممتاز

* تقدم لي شاب غني من عائلة غنية ومحترمة وذو اخلاق عالية جدا يستطيع ان يقدم لي كل ما اريد على طبق من ذهب 

* اعيش الحيرة والخوف من المستقبل تخوفا من الاختيار بين قلبي وحياة الفقر والحرمان ...وحياة الغنى والمال والمستوى الاجتماعي الراقي 

* هل تستطيع فتاه من وضعي الاجتماعي العالي وحياة الترف التي اعيشها الزواج والعيش في بيئة فقيرة معدومة..؟ وكيف اواجه الناس ان اخترت الفقير؟ ..وكيف اواجه حبيبي الفقير ان اخترت الغني وحياة الترف ؟

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

الرسالة كالتالي :
مرحبا انا صبية عمري 22 سنة حلوة كتير مشكلتي بلشت لما تعرفت على شاب معي بالجامعة عمرو 25 سنة محترم  كتير ومنيح لدرجة انا بغدر وصفها ومجتهد جدا ,ارتبطنا انا واياه بعلاقة حب كتير قوية لدرجة انو بطلنا نقدر نستغني عن بعض برغم الفروق الاجتماعية الاموجودة بينا والقصد انو هو من عيلة فقيرة وعلى قد حالها ابو ما بيشتغل وهو الكبير بالبيت ومجبور يصرف على حالو وعلى تعليموا فبشتغل بعد التعليم .
على عكسي كليا ..انا بنت مدللة كتير واهلي فاتحين مصلحة كبيرة ومقتدرين ووضعنا المادي كتير منيح والي بطلبو بلاقي طوالي! تعليمي على حساب البابا الي مش حارمني من ايشي , مزبوط انا بحبو وما بغدر استغني عنو بس كتير مرات بقعد بفكر كيف ممكن اتجوزو واعيش بوضعو المادي السيىء فأبسط الامور ما راح يقدر يأمنلي اياها حتى لو اشتغل ميت سنه ما راح يصل لنص وضعع ابوي وطبعا هاي مش شوفت نفس وتكبر بس هادا هو الواقع . مشكلتي صارت اكبر لما اجاني عريس من عيلة محترمة جدا ومعرفة ووضعه المادي فوق الريح والشاب كتير مميز ومعني في والابلى من هيك انو حبيبي الفقير مفكر يجي يحكي في. اهلي من المؤكد انهن مش راح يقبلو في لحبيبي الفقير وطبعا السبب واضح بسببب وضعو الاجتماعي ومستوانا . وبالذات بهادا الوقت هادا الي فيو هادا الشاب قرر هو واهلو باتفاق مع اهلي انهن يجوا يحكوا في .

الصورة للتوضيح فقط

انا ببحيرة كبيرة وبتخوف لاني عارفي اني اذا حاولت اقنع اهلي بالموضوع او بس حاولت افتحوا راح ينرفض رفض نهائي وما راح يقبلو يفكروا في اصلا .
ومن جهة ثانية بفكر بيني وبين حالي وبقول يا ترى اذا انا حاربت اهلي عشانوا وعشان اخذوا راح اخسرهن اكيد بس يا ترى شو راح اكسب ؟ مزبوط اني بحبوا وغرمة في من سنين وتعودت علي بس شو راح يغدر يقدملي بالمستقبل غير الحب ؟ هو ما بيطلع بايدو يعيشني بالتعيم الي انا عايشي في والي ممكن يعيشني في الشاب الغني الي تقدملي ؟
وكيف راح اغدر اواجه نظرة الناس الي بالمستقبل ان اخذت شاب من عيلة بسيطة جدا وما في توافق بينهن وبين اهلي من اية ناحية ؟ انا خايفة كتير وحتارة هل اتزوج الفير وارضى بالفقر والحرمان عشان الحب واكسب قلبي ؟ او اتزوج الغني واعيش بمستوى راقي والي بطلبوا يتنفذ واعيش ملكة زماني ؟ ساعدوني مين اختار ؟؟؟

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il