الرسالة كالتالي :

* متزوج من سنتين وعمري 28 عاما, مثقف ومخلص تعليمي الجامعي

* من فترة صغيرة وانا قاعد على المحشيف وبالتحديد على الفيس بوك تفاجأت بصبية بتضيفني

* ما بدي اكذب موضوعها ما فارقني وكل اليوم وانا افكر فيها ورجعت ذاكرتي لايام الحلوة الي كنا فيها مع بعض

* خايف اصارح مرتي بالموضوع وتفهم غلط وانا بفكر شو المشكلة اذا ضفتها وحكينا كأصدقاء لا اكثر بدون ما نطلع على الماضي او ذكرياتو

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي :
انا شاب متزوج من سنتين وعمري 28 عاما, مثقف ومخلص تعليمي الجامعي واعمل بوظيفة جدا محترمة .
تزوجت مرتي زواج تقليدي يعني اهلي ساعدوني وعرفوني عليها واتريحتها كتير فهي ما بينقصها جمال او تعليم او اداب وطبعا وافقت عليها بدون تردد واليوم صار عندي منها ولد عبالي حياتي وحسيت بأحللى شعور لما صرت اب .
المهم اني من فترة صغيرة وانا قاعد على المحشيف وبالتحديد على الفيس بوك تفاجأت بصبية بتضيفني وكانت مفاجأتي اكبر لما طلعت البنت الي كنت احبها في ايامات المراهقة وطبعا استغربت كتير وارتبكت. بس ما قبلت وطلعت ..ما بدي اكذب موضوعها ما فارقني وكل اليوم وانا افكر فيها ورجعت ذاكرتي لايام الحلوة الي كنا فيها مع بعض ...ما راحت عن بالي وقعدت كذا يوم افكر فيها ...وفي المرة التانية لما قعدت اتفاجأت انها بعدها بدها تحاول اتضيفني عندها ونصير نحكي مع بعض...

صورة توضيحية

 للحظات بفكر وبقول اقبل او لا وحتى اني متضايق من حالي لانو من يوم ما صارت الشغلة وهي ما بتروح عن بالي وما بنكر لهتني عن مرتي وابني وصرت افكر هل اقبل او لا وارجع احكي معا ...
خايف اصارح مرتي بالموضوع وتفهم غلط وانا بفكر شو المشكلة اذا ضفتها وحكينا كأصدقاء لا اكثر بدون ما نطلع على الماضي او ذكرياتو ..بس يا ترى راح اغذر امنع حالي اني افكر باحللى ايام قضيتها معها ؟
مش عارف شو اعمل اخذت كل تفكيري والصراحة حابب اضيفها وما بدي مرتي تزعل مني او تفهمني غلط او حتى اخبي الموضوع عنها ...انا بستغرب ليش الصداقة بين المرأة والزلمة عيب؟ واذا انا ضفتها شو راح يصير ويا ترى هاي خيانة الها ولزواجي ...؟ ساعدوني وانصحوني ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il