- ابرز ما جاء في الرسالة:
 
* صار عمري 29  بعدو ولا حادا جاي وطالب ايدي

* عنا بالبلد صاروا يقولوا ابصر ليش هاي ولا حدا متقدملها

*  قربت ينادوني عانس وانتو بتعرفوا شو يعني عانس خلص بطل عندي صبر

* ولا مرة اجا شاب وطلب مني رقم هاتفي او اساسا ولا مرة تشجع حدا يحكي معي

* فكركوا بنقهرش لما بشوف اختي اولادها بنادولها ولما بتكون مع زوجها مبسوطة

* همي الكبير بهالحياة عنجد اني بهتم بحالي وبحاول اكون في عدة اماكن واجتماعات بس زي وكأنو حدا داعي علي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية
الرسالة هي التالي:
مرحبا اصدقائي في موقع العرب انا حبيت اطرح مشكلتي عبر الموقع لأنو مش بس انا اللي بعيش بهايا الحالة انا صبية وما بشكي من اشي ونشكر الله بشتغل شغل منيح بس صار عمري 29 ةبعدو ولا حادا جاي وطالب ايدي لما كان عمري 26 كان عندي شوية امل بس عنا بالبلد صاروا يقولوا ابصر ليش هاي ولا حدا متقدملها وكان الاشي يجرحني ..


صورة توضيحية

ولا مرة اجا شاب وطلب مني رقم هاتفي او اساسا ولا مرة تشجع حدا يحكي معي انا متلي متل باقي الصبايا والله زهقت من هاي الحياة  شو هالظلم انا ليش هيك بصير معي قربت ينادوني عانس وانتو بتعرفوا شو يعني عانس خلص بطل عندي صبر من عيون الناس اللي عم بتلومني من دون سبب وهيك كمان من عيون ابوي اللي حاسس انو همي بكير بهالحياة عنجد اني بهتم بحالي وبحاول اكون في عدة اماكن واجتماعات بس زي وكأنو حدا داعي علي ساعدونا انا عنجد مضايقة شو اعمل فكركوا بنقهرش لما بشوف اختي اولادها بنادولها ولما بتكون مع زوجها مبسوطة خففوا عني المي.
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il