منبر العربHyde Park

زجل الدنيا فالتِه بقلم اسماء طنوس المكر
انشر عبر الفيسبوك طباعة ارسل لصديق

زجل الدنيا فالتِه بقلم اسماء طنوس المكر


سوء الادب والأخلاق ___ لا نِظـام ولا أُصـــول
خَرَّب كُلّ الأسـاسـات___ يا تُرى مينِ المسـؤول
____________________________
والـوالـِـد مـانّـو قـادر ___ وإبنُه صار أقوى مِنّـو
كَأنّـو مانّـو حـاضِــر ___ وِاولادُه استَـغنـوا عَنّـو
إبنُه بَرّا البيت سـاهر___ مَـعَ الـزُّعــرانِ كِــنّـــو
صار البيت مانّوعامر___ والوالد عَنّـو مشغــول
____________________________
وِالجهـِل عَتَّـم البيـت ___ لا تَدبـيـر ولا حِـكــمِـه
وِالأُمِّ قاعدِه بهالبيـت ___ ما فيـها تِحـكي كِـلــمِـه
لَوْ ما خَلَّفتُه يا ريـت ___ قِــلبَـتْ حيـاتـي نَقــمِــه
خَلَّفِت بَس ما رِبّيت ___ طِلعوا اولادي بِلاعْقول
____________________________
وجُوَّا البيتِ عَواصِف___صْراخ وضَجِّه ليلِ نْهار
بِلا حُـبِّ وعَـواطِـف ___ شْوَيِّ شْوَيِّ عَم يِنـْهــار
وِالأبو ما بيـلاطِــف ___ جَــوُّ البـيـتِ مْـوَلِّـع نـار
والكُلّ ما حَدا عارف ___ كيف بَدّو يلاقي الِحْلول


كلمات دلالية