منبر العربHyde Park

زجل فاقد الشيء لا يعطيه بقلم:اسماء طنوس المكر
انشر عبر الفيسبوك طباعة ارسل لصديق

زجل فاقد الشيء لا يعطيه بقلم:اسماء طنوس المكر


القلب ال ما فِيّو سلام ___ سلوكُه القتِل والإجــرام
من دينُه أو من شعبُه ___ ما بيِعرف معنى الحـرام
_____________________________
هَدول الشباب ضايعين ___ الأهِل عنهم مش سائلين
عَحياتهم مش خايفيـن ___ تـربّـوا على الإنــتـقـام
_____________________________
وهايِ البُذور السّامِّـه ____ بـيـنِ السُّــكّـانِ عــامِّـه
لازم قَلعا منِ الجذور ____ بِوجـودهم حِقد وخصام
_____________________________
وشباب ال ما فيهم دم ____ عندهم مُتعَة قتل الناس
ما خافوامن رب الكون___ ياللي بيطلقوا الرصاص
_____________________________
كيف الشاب بيقتل خَيُّه___ ياللي من بلـدُه وديــنُـه
ألـلّـه خـلقــنـا إخــوِه ____ أعمـالُــه راح بِتـديـنـُه
_____________________________
واللي فـاقـد الرحـمِـه ___ وما بيِرحـم حتّى خَــيّـو
كيف راح يرحم الآخر___ ياللّـي دينُـه مِـش زَيّــو


كلمات دلالية