وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

انا امرأة متزوجة عمري 23 سنة، مشكلتي هي اني اكتشفت انه زوجي بخيل بعد كم شهر على الزواج فقط، الاشي انه من خلال التصرفات وقلة الطلعات مع انا عرسان جداد، ما كنت أنتبه لهاد الموضوع وقت الخطبة اللي كانت قصيرة نوعا ما بس أغلب الوقت كان يروح متأخر من الشغل وكان يقلي بفضل اجي عندكو عالبيت عشان الأهل وكلام الناس، وانا كنت احس انه الاشي منطقي بس بعدين لما تجوزنا كلشي انكسف وحسيت اني مخدوعة فيه ! مش عارفة أتعايش معاه واتاقلم معاه! شو أساوي!


صورة توضيحيّة