وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا زوار موقع العرب..انا امرأءه مطلقه من 5 سنوات عمري 39 سنه تزوجت بعمر صغير كتير عندي اولاد بالغين الحمدلله تحملت كتير منشانهن شفت الذل والهوان لحتى كبرو وطلبت الطلاق والحمدلله..من لما تطلقت مكنتش بفكر بزواج لحتى حكيت لابي انو سيرة الزواج يبعدها عني لكن قبل سنتين حكى معي شخص هو بعرفني انا ما كنت اعرفوا بعرف اهلو ناس محترمين وهو عايش بعيد عنهن بالبداي رفضت وطلبت منو يسبني لاكن اصر انو اسمعوا وضل فتره طويله يلح علاي وسمعتوا حكالي انو بحبني وبدو ياني وانو انسان شاريني ولا يمكن يتخلى عني وبحكيلي من اول مطلقتي وانا بفتش كيف اوصلك لاني بحبك من قلبي المهم ضليت اكتر من 4 شهور وانا مو مصدقه وبديش ادخل حدا بحياتي بعرفش كمان من الحياة الي شفتها وصارلي مشاكل كتير صرت بشك بكل اشي وما عندي ثقه بحدا...لكن هالشخص ضل متمسك بي المهم ضل يحكي معي وانا مره اطمئن ليه ومرات لأ لحد ما دخل حياتي وبطلت استغي عنو وحببني فيه كتير تحملني كتير بصراحه كنت ثقيله لو حدا غيرو من حكيي وسبي وشكي فيه بيترك اكيد بس هو قلبو ابيض ورفض يتركني لانو بحبني بعد 8 شهور من العلاقه طلب مني شوفو وانا ما بعرف كيف شكلو من قبل رحت منشان شوفو ومعي صديقتي تقابلنا وحكينا مع بعض شافني وشفتو وحبيتو اكتر من شخصيتوا...ومع الوقت بدات اطمن اكتر ليه وافكارنا متقاربه لبعض وفي احترام بينا هو مطلق بدون اولاد واصغر مني بسنه بعد فتره طلب نتلقي لحالنا برغم ما حبيت هشغله لانو حرام الا اني رحت ليه لاني بحبو ما قدرت ارفض وصار المحضور ما قدرت اصبر ولا هو كمان ومع هيك حبينا بعض اكتر ولهسى ونحن مع بعض تقدملي لكن ابي رفض وما بعرف شو سبب الرفض ما حكيت مع ابي لانو علاقتي معاهن موتره بسبب الطلاق بعد رفض ابويا حاولت اترك حبيبي بس ما قدرت ولا هو كمان وحكالي طولي بالك بلكي يغير رأيو لقدام وهسى صار لينا سنتين ومتعلقين ببعض وكل مره بحكيلي طولي بالك وانا مو عارفه شوو اعمل وشوو الحل وهو بهافتره حكي مع بيو يتقدم اخرى مره...وخايفه يرفض ابي وانا اضلني مع حبيبي بسر وهشغله متعبتني كتير الصراحه...ومن جهه خايفه يصير كل شي متل ما بدنا ونتزوج وبعدينا اتندم مراات بجيني هالشعور بالخوف وخايفه اظلم لولاد حاسي حالي بين نارين وكمان ضروفي الماديه صعبه وبطلت اتحمل مصاريفهم كل ما بدي اشتغل بصير مشاكل وبنجبر ضل بالبيت وابو لولاد بساعدش بالمره حاسي انو رمى علاي حمل قديش بحاول كون صامده الا الضروف اقوى مني وبصير اكره الحياه وبمل كتير وبفكر انو زواجي ممكن يساعدني وريحني من المشاكل الي انا فيها بعرفش اذا تفكري صح ولا غلط كل ما بدي اوخد قرار بشغله بتراجع بضل مسيطر علاي الخووف، شو نصيحتكو الي بعرف طولت عليكو اعذروني بس يلي كتبتو شي قليل من الي بالقلب ومشكورين ع كل حال..

صورة توضيحية

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net