التّفاخُر بالنّفِس عَالغير بيجيبلَك الاحتقار
بتلاقي حالَك بينِ النّاس موجود وحداني
وبتصير مش معدود بينهم مالَـك إعتبـار
وِبْيِبعِدواعَنَّك ما فيك تربـح ناس خِلّاني
والـلّي ما عِنـدُه الحُـب بيُـشعُـر بِافتـقـار
واللّي ما عندُه شيء ما بِيعـطيـه للثّـاني
ولَوْ فِضـي هَالقلـب بيصيـبُه الإنكـسـار
والنّفس بتبقى حزينِه فيه وروحُه بِتعاني
وبيعيش بهَلْوَسِه وِظْنون مْشَتَّتِ بِالافكار
غَرقـان بِالأوْهــام ال ما بتِـتْرِكُـه ثـانيـه
رخيـص الثَّمَـن بيظَـلّ عَحـالُـه بيـغـــار
وقيمةِ الإنسان بتكبـر بالمعانـي والتّفانـي
الغِوى في غصون عاليِه ما بها أثمــار
واللّي انْحَـنـت بتكـون بِاثمـارا مليــانِــه
 
المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net