أبرز ما جاء في الرسالة:

يمكن هاي التساؤلات طبيعية ع قد ما منسمع عن مشاكل زوية وحالات طلاق

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
الموضوع وما فيو انو انا وخطيبي كتير منحب بعض ونشكر الله متفاهمين على كلشي، وعنا الحد الادنى من الخلافات وازا بصير سوء تفاهم او مشكلة او اشكالية، بسرعة منحلها وما منخليها تتراكم، بس القضية اني بلشت خاف من المستقبل، يعني عرسنا قرب، هل يا ترى رح يبقى هيك بعد الزواج او رح يتغير للأسوأ؟ انا صح واثقة منه، وحاسة فعلا بحبه الي، بس الزواج مش متل الخطوبة، يعني خايفة أتفاجأ من بعض تصرفاته للأسوأ بعد ما نتزوج. مش عارفة اتحرر من هاد الشعور، مرات بحس شعوري ناتج عن عدم ثقة بخطيبي بس صدقوني انا بثق فيه، يمكن هاي التساؤلات طبيعية ع قد ما منسمع عن مشاكل زوية وحالات طلاق. مش عارفة شو مفروض أساوي بهيك حالة.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net