رب السما خَلَقنا تَنمَجِّدُه بأفعالنــا
كُلّ الفضِل بيِرجع إلو بأعمالــنا
هَالباني هذا الكون بِكلمِه عَمَّــرُه
وهالحلى اللّي فيه كان عَــشانّـا
_________________
كُل اللّي عِملُه كان وِتْكَوَّن بِأمرُه
بإشـــارَه مِنّــو كُنّــا تِــكَـــوَّنّــــا
وكُلُّه بيِخضَعلُـــه وتحِــت أمــرُه
الخالق سيِّد المخلوق ياللّي كَوَّنّـا
وكيف صارهالكَوْن للخالقِ سِـرُّه
ما إلو تفسيــر ولا شَــــرِح عِنّــا
وما فينا نفهم كيف ولا تَنْفَسّـــرُه
الدّنيي عجيبِه فيها الفَن ساحرنـا
واجب علينـا نحمـــدُه وِنُشكُـــرُه
عَلَوْحةِ الإبداع اللّي رسَمهاولَوَّنا
خالِق سماهُ وأرضُه شَمسُه وقمرُه
وفَرَش لِنا الأرض بألوان تِبهِرنـا
وِبفضلُه كُل البشرعاش مِن خيرُه
لا تنسوا ياللّي بالنِّعَم دوم غامِرنا
واللّي ما خاف الرّب طول عُمرُه
وما حَسَبلُه حســـاب راح يـقــول
يا ريت لا جينا عالدِّني ولا كُــنّـا

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net